En'gliye tashqi ishlar ministiri William Hague dilmurat perhat bilen körüshti

En'gliye tashqi ishlar ministiri willyam héyg (William Hague) bügün, sabiq diyarim tor bétining sahibi dilmurat perhatni qobul qilip, uningdin inisi dilshat perhat qatarliq Uyghur tor bashqurghuchilirining nöwettiki ehwali heqqide yüz turane melumat igiligen we özlirining xitay tereptin érishken melumatliridin dilmurat perhatni xewerlendürgen.
Muxbirimiz shohret hoshur
2010-10-12
Élxet
Pikir
Share
Print
Sürette, 2010 - yili 14 - iyul, engliye tashqi ishlar ministiri William Hague jungnenxeyde wén jyabaw bilen söhbette.
Sürette, 2010 - yili 14 - iyul, engliye tashqi ishlar ministiri William Hague jungnenxeyde wén jyabaw bilen söhbette.
AFP Photo

Mezkur ministirliqning dilmurat perhat bilen birinchi qétim körüshüshi, sabiq en'gliye tashqi ishlar ministiri dawid milibandning xitay ziyaritidin 4 kün burun élip bérilghan. Bu qétimqisi, yéngi ministirning xitay ziyaritidin 2 ay burun élip bérildi.

Ministir willyam dilmurat perhat bilen bolghan bügünki söhbitide, diyarim tor bétining qurulush jeryani, buning bilen birlikte selkin we shebnem qatarliq tor betlerning 5 ‏- iyul weqesidiki roli we bashqa ziyankeshlikke uchrighan Uyghur qelemkesh we tor bashqurghuchilarning ehwali heqqide melumat igiligen.

Söhbettin melum bolushiche, xitay terep yéqinda en'gliyige, tutqun qilin'ghan Uyghur tor bashqurghuchilarning ehwali heqqide melumat bergen. Xitay terep bergen melumatida, dilshat perhat qatarliq 12 neper tor bashqurghuchini melum bir terbiyilesh merkizide terbiyelewatqanliqini, ulargha jinayetchiler qatarida mu'amile qilinmaywatqanliqini bildürgen.

Söhbette dilmurat bu melumatlarning yalghanliqini, eger jinayetchi dep qaralmighan bolsa, inisining 5 yilliq muddette késilmeydighanliqini bildürgen.

Ministirliq xadimliri, xitay terepning bergen melumatlirigha guman bilen qarawatqanliqini, 11 ‏- ayda xitay bilen ötküzidighan kishilik hoquq söhbitide bu mesilini qayta otturigha qoyidighanliqini bildürgen.

Dilmurat perhat ministirliqtin, xitay bilen sözleshkende, dilshat perhat qatarliq Uyghur mehkumlarning ismini éniq tilgha élip turup xitay terepke bésim ishlitishini we ularning baldurraq erkinlikke érishishi üchün tirishishini telep qilghan.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet