Әнқәрәдә әйса йүсүп алиптекин намида бағчә қурулди

Түркийә пайтәхти әнқәрәниң әң чоң районлиридин бири болған кәчи өрән райониниң чичәкли мәһәллисидә “әйса йүсүп алиптекин бағчиси” қурулди.
Ихтиярий мухбиримиз әркин тарим
2012-10-22
Share
eysa-yusup-aliptekin-baghchisi-305.jpg Әнқәрәдә әйса йүсүп алиптекин намида бағчә қурулди. 2012-Йили 21-өктәбир, әнқәрә.
RFA/Erkin Tarim

21- Өктәбир күни чүштин кейин бу бағчиниң ечилиш мурасими өткүзүлди. Мурасимға кәчи өрән районлуқ һөкүмәтниң башлиқи мустафа ақ әпәнди башчилиқидики рәһбәрләр вә аммидин болуп бәш йүз әтрапида киши қатнашти. Мурасимда алди билән, сәнәт номурлири көрситилди. Арқидин районлуқ һөкүмәт башлиқи мустафа ақ әпәнди бу бағчиниң қурулуш җәряни вә районлуқ һөкүмәтниң қилған хизмәтлири, бундин кейинки хизмәт пилани һәққидә мәлумат бәрди. Кейин, лента кесиш мурасими билән бағчә аммиға ечиветилди. Бағчиниң ишикигә әйса йүсүп алптекинниң исми чоң хәт билән йезилған болуп, бағчиниң ичидә сүний көл, балилар бөлүми, дәм елишқа чиққанлар бөлүми, ашхана вә қәһвәханилар бар икән.

Әйса йүсүп алиптекин намида ечилған бағчиниң лента кесиш мурасими. 2012-Йили 21-өктәбир, әнқәрә.
Әйса йүсүп алиптекин намида ечилған бағчиниң лента кесиш мурасими. 2012-Йили 21-өктәбир, әнқәрә.
RFA/Erkin Tarim

Кәчи өрән районлуқ һөкүмәт әнқәрәдә “кичик түрк дуняси ” дәп тонулған болуп, бу райондики коча, бағчә вә мәһәллиләргә түрк дунясиниң тонулған әдиб, шаир, мутәпәккур вә сиясәтчилириниң намлири қоюлған. Мәсилән, бу районда тонулған әзәрбәйҗан шаири бәхтияр ваһапзадә, қазақ язғучиси абай, қирғизларниң дуняға тонулған язғучиси чиңгиз айтматоф вә уйғур шаири наваий қатарлиқларниң намлири аммиви муәссәсиләргә исим қилип берилгән.

Биз әйса йүсүп алиптекин бағчисиниң ечилиш мурасими җәрянида районлуқ һөкүмәт башлиқи мустафа ақ әпәнди вә мурасимға қатнашқан аммиға микрофонимизни узаттуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт