Әнқәрәдә барин инқилабиниң 20 ‏- йиллиқи мунасивити билән намайиш

4-Айниң 4-күни барин вәқәсиниң 20 йиллиқи мунасивити билән хитайниң әнқәрәдә турушлуқ әлчиханиси алдида намайиш өткүзүлди. Бу намайишқа истанбул вә әнқәрәдин болуп, 100 әтрапида киши қатнашти.
Мухбиримиз әркин тарим
2010.04.05
Share on WhatsApp
Share on WhatsApp
Barin-inqilawi-20-yilliqi-Enqere-04-05-2010-305.jpg Сүрәт, 4-айниң 4-күни, д у қ ниң орунлаштуруши билән шәрқий түркистан мәдәнийәт вә һәмкарлиқ җәмийити әнқәрә шөбиси мәсули һайруллаһ әфәндигилниң тиришчанлиқида уйуштурулған барин вәқәсиниң 20 йиллиқида хитайниң әнқәрәдә турушлуқ әлчиханиси алдида өткүзүлгән намайиштин бир көрүнүш.
RFA Photo / Erkin Tarim

Намайишчилар қолида ай юлтузлуқ көк байрақ билән түркийә байриқини лозункиларни көтүргән һалда "террорист қизил хитай шәрқий түркистандин чиқип кәт! я аллаһ бисмилла аллаһу әкбәр! шинҗаң әмәс шәрқий түркистан!" дегәндәк, шоарларни товлишип хитайларни әйиблиди.

Намайишқа қатнашқан яшлар һәммә бирдәк шәрқий түркистан даваси үчүн күрәш қилидиғанлиқиға қәсәм ичишти.

Намайишчилар қәсәм ичип болғандин кейин һайруллаһ әфәндигил әпәнди мухбирларға баянат бәрди. У баянатида хитайларниң барин вәқәсидә нурғун бигунаһ яшларни өлтүрүвәткәнликини, вәқәдин кейинки 20 йил җәрянида бу қирғинчилиқниң давам қиливатқанлиқини, 5 - июл үрүмчи вәқәсиниң буниң бир пакити икәнликини ейтти.
Barin-inqilawi-20-yilliqi-Enqere-04-05-2010-1-305.jpg
Сүрәт, 4-айниң 4-күни уйуштурулған барин вәқәсиниң 20 йиллиқида хитайниң әнқәрәдә турушлуқ әлчиханиси алдида өткүзүлгән намайишта, хитай әлчиханисиға қара гүл чәмбирәк қуйулуватқан көрүнүш.
RFA Photo / Erkin Tarim

Һайруллаһ әфәндигил әпәнди баянатида йәнә, дуня дөләтлирини, болупму түрк һөкүмитини хитайға бесим ишлитишкә чақирди. У сөзиниң ахирида дәм елиш күни демәстин узақ йәрләрдин келип бу намайишқа қатнашқан түркләргә шундақла мухбирларға рәхмәт ейтти. Намайиш хитайниң әнқәрәдә турушлуқ әлчиханисиниң ишикигә қара гүлчәмбирәк қоюш билән ахирлашти.

Түркийидә қара гүл чәмбирәк инсанийәткә қарши җинайәт қилғанларни әйибләш үчүн қуйилиду.

Биз намайиш җәрянида намайишчиларғиму микрафонимизни узаттуқ. Али җан исимлик бир намайишчи мундақ деди: "мән хитайларниң қилмишлирини әйибләймән. Хитайларниң уйғурларға елип бериватқан сиясәтлиридин дәрһал ваз кечишини тәләп қилимән. Болупму түрк дуняси бу мәсилигә көңүл бөлүши керәк. Мән бир аммиви тәшкилатниң мәсули болуш сүпитим билән һәр даим уйғурларни қоллап қуввәтләйдиғанлиқимни йәнә бир қетим тәкитләймән."
 
Намайишқа қатнашқан уйғурларму хитайға болған ғәзәп нәпрәтлирини ипадиләшти.

Бу намайиш д у қ ниң бир туташ орунлаштуруши билән шәрқий түркистан мәдәнийәт вә һәмкарлиқ җәмийити әнқәрә шөбиси мәсули һайруллаһ әфәндигилниң тиришчанлиқи билән уюштурулған.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.