Әнқәрәдә 'хитайниң йүксилиш һекайиси' мавзулуқ йиғин чақирилди

1 - Айниң 25 - күни чүштин бурун "хитайниң йүксилиш һекайиси" мавзулуқ йиғин чақирилди. Истратегийилик чүшәнчә иниститутида өткүзүлгән бу йиғинға әнқәрәдә паалийәт елип бериватқан бәзи истратегийә тәтқиқат мәркәзлириниң башлиқлири, түркийә хитай мунасивәтлири мутәхәссислири вә пенсийигә чиққан бүйүк әлчиләрдин болуп көп санда киши қатнашти.
Мухбиримиз әркин тарим
2010.01.25
Share on WhatsApp
Share on WhatsApp
Xitay-heqqide-yighin-Enqerede-echildi-305.jpg Сүрәт, 1 - айниң 25 - күни, түркийә истратегийилик чүшәнчә иниститутида өткүзүлгән өткүзүлгән "хитайниң йүксилиш һекайиси" мавзулуқ йиғиндин бир көрүнүш.
RFA Photo / Erkin Tarim

Йиғинниң ечилиш нутқини истратегийилик чүшәнчә иниститути мудири проф. Др. ясин тайяр әпәнди қилди. У нутқида, бу йиғинни ечиштики мәқситиниң хитай дөлитини чүшиниш шуниң билән түркийиниң хитай сиясити бәлгиләп чиқишиға ярдәм қилиштин ибарәт икәнликини тәкитлиди.  

Бу йиғинға дотсент др. Әркин әкрәм риясәтчилиқ қилди. У алди билән хитайниң тәрәққият тарихи һәққидә қисқичә мәлумат бәрди. У нуқтилиқ һалда дең шиявпеңниң ечиветиш сиясити башлиғандин тартип бүгүнгичә болған иқтисадий тәрәққияти үстидә тохталди. Кейин түркийә хитай мунасивәтлири мутәхәсислиридин дотсент др. Сәлчуқ чолақоғлу, др. Бариш адибәлли, түркийә истратегийә тәтқиқат мәркизи мудири башлиқи др. Синан оган қатарлиқ кишиләр хитайниң йүксилиш вә бу йүксилишниң хитайда яратқан мәсилиләр һәққидә тохталди.

Музакирә ахирида чиқирилған хуласида, хитайда милләтчиликниң күчийиватқанлиқи, хитай иқтисадий җәһәттин тәрәққий қиливатқан болсиму, хитайниң рәсми истатистикилириға қариғанда 150 - 200 милйон әтрапида, бәзи мутихәсисләрниң дәйишичә 280 милйон әтрапида намрат инсан барлиқини, хитайда кишиләрниң иҗтимайи параванлиқи капаләткә игә  қилинмиғачқа, келәчәктә хитайда муқимлиқтин сөз ачқили болмайдиғанлиқи тәкитләнди.

Йиғинда мутәхәсисләр хитайниң башқа дөләтләр билән болған мунасивити һәққидиму әтраплиқ һалда тохталди.

Биз бу йиғин һәққидә техиму тәпсили мәлумат елиш үчүн бу йиғинни уюштурған истратегийилик чүшәнчә иниститути мутәхәссиси дотсент др. Әркин әкрәм әпәндигә микрофонимизни узаттуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт