Enqerede 'xitayning yüksilish hékayisi' mawzuluq yighin chaqirildi

1 - Ayning 25 - küni chüshtin burun "xitayning yüksilish hékayisi" mawzuluq yighin chaqirildi. Istratégiyilik chüshenche inistitutida ötküzülgen bu yighin'gha enqerede pa'aliyet élip bériwatqan bezi istratégiye tetqiqat merkezlirining bashliqliri, türkiye xitay munasiwetliri mutexessisliri we pénsiyige chiqqan büyük elchilerdin bolup köp sanda kishi qatnashti.
Muxbirimiz erkin tarim
2010-01-25
Share
Xitay-heqqide-yighin-Enqerede-echildi-305.jpg Süret, 1 - ayning 25 - küni, türkiye istratégiyilik chüshenche inistitutida ötküzülgen ötküzülgen "xitayning yüksilish hékayisi" mawzuluq yighindin bir körünüsh.
RFA Photo / Erkin Tarim

Yighinning échilish nutqini istratégiyilik chüshenche inistituti mudiri prof. Dr. Yasin tayyar ependi qildi. U nutqida, bu yighinni échishtiki meqsitining xitay dölitini chüshinish shuning bilen türkiyining xitay siyasiti belgilep chiqishigha yardem qilishtin ibaret ikenlikini tekitlidi.  

Bu yighin'gha dotsént dr. Erkin ekrem riyasetchiliq qildi. U aldi bilen xitayning tereqqiyat tarixi heqqide qisqiche melumat berdi. U nuqtiliq halda déng shiyawpéngning échiwétish siyasiti bashlighandin tartip bügün'giche bolghan iqtisadiy tereqqiyati üstide toxtaldi. Kéyin türkiye xitay munasiwetliri mutexesisliridin dotsént dr. Selchuq cholaqoghlu, dr. Barish adibelli, türkiye istratégiye tetqiqat merkizi mudiri bashliqi dr. Sinan ogan qatarliq kishiler xitayning yüksilish we bu yüksilishning xitayda yaratqan mesililer heqqide toxtaldi.

Muzakire axirida chiqirilghan xulasida, xitayda milletchilikning küchiyiwatqanliqi, xitay iqtisadiy jehettin tereqqiy qiliwatqan bolsimu, xitayning resmi istatistikilirigha qarighanda 150 - 200 milyon etrapida, bezi mutixesislerning deyishiche 280 milyon etrapida namrat insan barliqini, xitayda kishilerning ijtimayi parawanliqi kapaletke ige  qilinmighachqa, kélechekte xitayda muqimliqtin söz achqili bolmaydighanliqi tekitlendi.

Yighinda mutexesisler xitayning bashqa döletler bilen bolghan munasiwiti heqqidimu etrapliq halda toxtaldi.

Biz bu yighin heqqide téximu tepsili melumat élish üchün bu yighinni uyushturghan istratégiyilik chüshenche inistituti mutexessisi dotsént dr. Erkin ekrem ependige mikrofonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet