Akisining ornigha görüge tutulghan enwer isra'ilning xanimi bilen söhbet

Bultur, 9 ‏- ayning 18 ‏- küni qorghas nahiyiside shöhret tursun isimlik yash, türmide saqchilar teripidin urup öltürüwétilgen. Weqe yüz bergendin kéyin da'iriler qatilni jawabkarliqqa tartish toghrisida héchqandaq tekshürüsh élip barmighan. Eksiche, xitay hökümiti weqeni dunyagha "ashkarilighuchi" dep qaralghan bash gumandar ershidin isra'ilni hazirghiche izdimekte.
Muxbirimiz shohret hoshur
2010.06.09
Uyghur-tutqun-qilish-305 Uyghur élide, xitay hakimiyitining uyghur tutqunlar üstidin sot qiliwatqan körünüshliridin biri.
RFA File
u0609-pmx1
Anglash Awazni köchürüsh

Saqchilar ershidin isra'ilning dérikini alalmighandin kéyin, uning ornigha inisi enwer isra'ilni tutqun qilghan. Hazir u, qorghas nahiyisi qosh'ériq qamaqxanisida görüde tutulmaqta.

Eger xitay da'irilirining gumani toghra bolsa, bu a'ilige kelgen yuqiriqi awarichiliq peqetla bir sewep tüpeyli kélip chiqqan bolidu. U bolsimu, enwer isra'ilning akisi ershidin isra'ilning közi körgen bir heqsizliqni, dunyagha ashkarilishi.

Uyghur teshkilatlirining doklatliridin melum bolushiche, ershidin isra'il 1999 ‏- yili bölgünchilik bilen eyiblinip 6 yilliq késilgen we mudditi toshqandin kéyin qoyuwétilgen. Ershidin isra'il 2 ‏- qétim xeterge tewekkul qilghan.

Uyghur teshkilatlirimu ershidin isra'ilning nöwettiki ehwalidin xewersiz ikenlikini bildürmekte.
 
Yuqiridiki awaz ulinishidin, görüge tutulghan enwer isra'ilning xanimi asiye qurbanowa bilen élip barghan söhbitimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.