Ereb dunyasidiki namayishlarning bedili

Ereb dunyasida bir yildin köprek waqittin béri dawam qilip kéliwatqan ereb bahari üchün töliniwatqan bedeller heqiqeten éghir we köp bolghanliqi éniq.
Ixtiyariy muxbirimiz ömerjan
2012-03-28
Share
Ereb-doletliri-ittipaqi-yighini-305.jpg Ereb döletliri ittipaqigha eza döletler tashqi ishlar ministirlirining chong yighini, 2012-yili 12-féwral, qahire.
RFA/Omerjan

Tölen'gen bedelge layiq az-tola özgirishlermu bolmaqta. Emma axirqi hésabta erkinlik we démokratiye yolida tökülgen qanlar bedelsiz qalmaydighanliqi éniq. Buninggha her kim ishinidu we ümid baghlaydu.

Londonda chiqidighan "Ottura sherq" gézitining 2012-yili 28-mart künidiki sanida, meshhur yazghuchi abdulmun'im se'id dégen kishining qelimi bilen yézilghan "Inqilablarning bedili" namliq maqale élan qilin'ghan bolup, maqalide mundaq dep yézilghan:
"Dunyada héch nerse bikargha kelmeydu. Yémek-ichmeklerdin bashlap turmushtiki addiy bir éhtiyajlarmu bikargha kelmigendek, erkinlik, démokratiye we höriyet dégenlermu bikargha kelmeydu. Belki bularning bedili elwette chong bolidu. Dunyada her qandaq bir inqilab, qozghilang we her qandaq bir namayishqa ümid bilen mu'amile qilghanlarmu we uning netijisidin shek qilghanlarmu bolghan. Eyni waqittiki dunyada pewqul'adde chong özgirish qozghighan fransiye inqilabighimu shek bilen mu'amile qilghanlar bolghan. Emma fransiye inqilabi ghelibe qilghandin kéyin, bu inqilab köpligen döletlerde öz tesirini körsetken.

Ereb döletliridiki ehwal bashqiche

Maqalide yene mundaq dep yézilghan:
"Ereb bahari dawam qiliwatidu. U ötken bir yil ichide töt pesilning hemmisini bésip ötüp bolghan bolsimu, uning nami yenila 'bahar' dur. Chünki bu bahar nechche on yillardin biri sükütte yatqan wijdanlarni qozghatti we insaniy hörmiti bilen yashashni arzu qilghanlarning yoligha sham yaqti. Emma ereb dunyasidiki bu özgirishlerning kapaliti azdek qilidu. Chünki, fransiye inqilabidek chong inqilablarni bashlatqanlar her tereptin yétishken shexsiyetler idi. Emma ereb dunyasida qozghalghan namayishlar xelq teripidinla bolghan. Ularning yéngi weziyetke qandaq mu'amile qilish heqqide teyyarliqi yoq. Shunga ular özlirini yétishtürüshke we netije qazan'ghan döletlerning tejribisidin öginishke mohtaj. Erkinlik we heqiqiy démokratiye dep yolgha chiqqan xelq bu yolda bedel töleshke razi bolup chiqqan xelqtur. Emma bedel jan, maldin éship, wetenning birlikini parchilashqa yétip qalsa bolmaydu. Buninggha inqilabqa bash bolghanlar mes'ul. Liwiyining parchilinish aldida turuwatqan échinishliq ehwali her kimni oygha salmaqta."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet