Erkin aliptékin ependi türkiyining enqere shehiride doklat berdi

D u q sabiq re'isi erkin aliptékin ependi 42-dékabir küni enqerede pa'aliyet élip bériwatqan sherqiy türkistan medeniyet we hemkarliq jem'iyitining yighin zalida “Sherqiy türkistan dewasining tereqqiyati” témisida doklat berdi.
Ixtiyariy muxbirimiz erkin tarim
2011.12.26
Share on WhatsApp
Share on WhatsApp
Erkin-Alptekin-305.jpg Merhum eysa yüsüp aliptékinning wapat bolghanliqining 16‏-yili munasiwiti erkin aliptékin ependi söz qildi. 2011-Yili 18-dékabir.
RFA/Arslan

Doklat bérish yighinigha türk dunyasi insan heqliri teshkilati bashliqi abdullah buksur ependi, türkiye parlaménti téxnika ishliri bashqarmisi mes'uli kemal qaya ependi, bezi siyasetchiler, enqerediki herqaysi uniwérsitétlardin oqutquchilar, enqerediki Uyghurlardin bolup köp sanda kishi qatnashti. Erkin aliptékin ependi ikki sa'et dawamlashqan doklatida nuqtiliq halda sherqiy türkistan dewasining tereqqiyat tarixini bayan qilip ötti.

U sözide 1970-yillarning bashlirida gérmaniyide 2-3 a'ile Uyghur sherqiy türkistan dewasini élip barghan bolsa, bügünki künde peqetla gérmaniyining myunxén shehiridila 500 etrapida Uyghurning sherqiy türkistan dewasini élip bériwatqanliqini éytti. Yawropa döletliridin bashqa amérika, kanada, awstraliye qatarliq döletlerdimu bu dewaning tézla tereqqiy qiliwatqanliqini, Uyghurlar arisidiki birlik ittipaqliqning asasen emelge ashqanliqini, Uyghurlarning köpining dunya Uyghur qurultiyi nami astida birliship pilanliq halda sherqiy türkistan dewasini élip bériwatqanliqini éytti. U doklatida sherqiy türkistan dewasining 1949-yilidin bügün'giche bolghan tarixini anglatti. Doklat bérish yighini axirlashqandin kéyin mikrofonimizni doklat anglighuchilargha uzattuq. Türk dunyasi insan heqliri jem'iyiti re'isi abdullah buksur ependi doklatni anglighandin kéyinki tesiratini bayan qilip mundaq dédi:
‏-Erkin ependining bügün qilghan doklatining burunqi doklatigha oxshimaydighan muhim teripi shu idi, u burunqi doklatlirida dunya Uyghur qurultiyining pa'aliyetliri, Uyghur teshkilatliri heqqide melumat béretti. Emma bu qétimqi doklatida sherqiy türkistan dewasining rabiye qadir xanimning rehberlikide istratégiyilik pilani bar bir dewa bolghanliqini anglatti. Uyghurlarning démokratiyilik yollar bilen qandaq dewa élip bériwatqanliqini, kélechekte qurulidighan sherqiy türkistan jumhuriyitining qandaq bir jumhuriyet bolidighanliqini, xitay dölitining hazirqi weziyiti we xelq'araning xitaygha bolghan köz qarishini anglatti. Men bügünki doklattin sherqiy türkistan dewasi toghrisida köp nerse ögendim, sherqiy türkistanning musteqil bolidighanliqigha bolghan ishenchim ashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.