Erkinlik longqisini talishish putbol musabiqisining kéler nöwetliki gérmaniyide ötküzülmekchi

Erkinlik longqisini talishish putbol musabiqisige neq meydandin we radi'omiz arqiliq köz tikip turghan barliq Uyghurlar nöwette yene erkinlik longqisining kelgüsi pilanlirigha qiziqmaqta.
Muxbirimiz gülchéhre
2011.08.18
erkinlik-longqisi-tunji-qetim-305.jpg Uyghurning “Erkinlik longqisi” ni talishish tunji qétimliq musabiqisining échilish murasimi. 2011-Yili 27-iyul, gollandiye.
RFA/Pidaiy

Ötken ayning 27-sidin 31-giche gollandiyining denhax shehiride ötküzülgen, hijrettiki Uyghur yashlirining tunji nöwetlik erkinlik longqisini talishish putbol musabiqisi ghelibilik tamamlinip Uyghurlarni cheksiz hayajan hem ümidlerge toldurghan idi. Mezkur putbol musabiqisige neq meydandin we radi'omiz arqiliq köz tikip turghan barliq Uyghurlar nöwette yene erkinlik longqisining kelgüsi pilanlirigha qiziqmaqta.

Uyghur yashlirining tunji nöwetlik erkinlik longqisini talishish musabiqisi ghelibilik tamamlinip Uyghurlarni hayajan'gha salghan idi.Rabiye qadir xanim mezkur musabiqining bashlinishi munasiwiti bilen istansimiz ziyaritini qobul qilghanda “Putbolchi ezimetlirim bilen bille bolalmighan bolsammu, méning qelbim, méning tilek-ümidlirim ular bilen birge, putbolchi balilirimning urghan her bir topi xitaygha bérilgen bir zerbe bolsa, xelqimge ilham bexsh étidu!” dégen idi, tunji nöwetlik erkinlik longqisini talishish putbol musabiqisining hijrette yashawatqan Uyghurlargha nisbeten qanchilik zor ehmiyet we menalargha ige ikenlikini mana bu bayanlar arqiliq xulase qilishqa bolidu.

Uyghurlar tarixidiki tunji nöwetlik xelq'araliq putbol musabiqisi bolghan erkinlik longqisi, hijrettiki Uyghurlarning ijtima'iy, siyasiy we medeniy hayatida shundaqla Uyghur putbolchiliq tarixida yéngi bir sehipe achti. Chet'ellerdiki Uyghurlar, bolupmu Uyghur yashlirining mezkur musabiqidin kéyinki hayajini téxi bésilmidi. Ular nöwette özige meniwi ozuq hem ilhamlar béghishlighan erkinlik longqisi talishish putbol musabiqisining kéyinki nöwetlikining qeyerde qachan ötküzülidighanliqini bilishke aldirimaqta.

Erkinlik longqisi putbol musabiqisining kéyinki pilanliri heqqide uchurlargha ige bolush üchün aldi bilen biz tunji nöwetlik erkinlik longqisining meydan'gha kélishide zor küch chiqarghan bashqurghuchilardin, dunya Uyghur qurultiyi yashlar komitéti re'isi gheyur ependini ziyaret qilduq, u erkinlik longqisini üzüldürmey dawamlashturushning dunya Uyghur qurultiyi we pütün Uyghurlarning arzusi ikenlikini bildürdi we kéyinki nöwetlik erkinlik longqisini talishish putbol musabiqe pa'aliyetlirining gérmaniyining myunxén shehiride ötküzülüshi pilanlan'ghanliqi heqqide uchur berdi.

Tunji nöwetlik erkinlik longqisini talishish putbol musabiqiside sahibxana komanda bolghan gollandiye Uyghur yashliri komandisining térniri élshat ependi we gollandiye yashlar partiyisidin abdusalam ependiler tunji nöwetlik erkinlik longqisini talishish putbol musabiqisidin hés qilghanlirini bayan qilishti.

Dunya Uyghur qurultiyining mu'awin re'isi semet ependi, chet'eldiki Uyghur yashlirining tunji nöwetlik erkinlik longqisini talishish putbol musabiqisining ehmiyitige yuqiri baha berdi we bu musabiqining chet'ellerdiki Uyghur dawasigha qandaq yéngiliqlar élip kelgenliki heqqide toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.