Японийидә “асия әркинлик вә демократийә һәмкарлиқ уюшмиси” қурулди
2011.12.01
Тибәтләрниң тәшәббуси бойичә қурулған бу уюшмиға тибәт, моңғул, демократ хитайлар, уйғурлар қатнашқандин сирт йәнә японийә, тәйвән, бирма, бутан, малайшия, бенгал вә вйетнам қатарлиқ дөләтләрдә паалийәт елип бериватқан аммиви тәшкилатларму әза болди. Икки нәпәр уйғур бу уюшмида вәзипә алған болуп, японийә уйғур җәмийитиниң рәиси илһам мәхмут уюшминиң баш катиплиқ вәзиписини өз үстигә алған.
Илһам мәхмут әпәнди радиомизға қилған сөзидә бу тәшкилатқа вйетнам, бенгал, бутан, бирма қатарлиқ дөләтләрниңму әза болуп киришиниң асияда демократийини илгири сүрүшниң қанчилик зөрүр икәнликиниң ишарити икәнликини тәкитлиди. Мәһмәт тохти әпәнди, бу уюшминиң қурулуши шәрқий түркистан дәвасини шәрқий асия дөләтлири һөкүмәтлири вә җамаәтчиликигә аңлитиштики бир бошлуқни толдуридиғанлиқини ейтти.