Ürümchi polat zawuti 25 yilliq ishchi aygüzelni dawalashning ornigha uninggha ziyankeshlik qilghan

Ürümchi polat zawutining ishchisi aygüzel zawutning yuqiri hararetlik séxida uzun muddet ishligenliki üchün, salametlik ehwalida ushtumtut özgirish peyda bolup, öyide birqanche kün hoshsizlinip yétip qalghan.
Muxbirimiz shöhret hoshur
2011.10.18
Goher-memet-Uyghur-erzdar-305 Sürette, shaire göher memet.
RFA Photo / Shohret Hoshur

Zawut rehberliki uni pénsiyige chiqish niyiti bar dep qarap, uning aghriqliqigha ishenmigen. Aygüzelning yoldishi, uning xizmet sewebidin aghrighanliqini seweb körsitip, dawalashtin özini qachurghan. Axiri qoshnilirining yardimi bilen jiddiy qutquzushqa apirilghan aygüzel, zawut rehberliki teripidin 4-doxturxanigha, yeni nérwa késellikler doxturxanisigha yötkiwétilgen. 4‏-Doxturxanida dawalan'ghan bolush uning hayatigha yene bir qatar éghir xapichiliqlarni élip kelgen.

Xizmet sewebidin aghrighan we yaridar bolghanlarni dawalash, xitaydiki zawut-karxanilarda bügün omumyüzlük yolgha qoyuluwatqan bir tüzüm.
Emma, inkaslardin melum bolushiche, nöwet polat zawutning ishchisi aygüzelge kelgende bu tüzüm kargha kelmigen. Zawut 25 yilliq ishchisi aygüzelning salametlik ehwali bilen chatiqi bolmighan؛ uning aghriqining xizmet sewebidin kélip chiqqanliqidek bir ré'alliqqa köz yumuwalghan.

Aygüzel polat zawutidiki bir séxta 25 yil ishligen. Séxtiki yuqiri hararet uning salametlikige tesir körsitip, kéyinki yillarda bash qéyish we hoshsizlinish aghriqigha duchar bolghan. Zawut uning salametlik ehwali bilen chatiqi bolmighan we dawalinish ishigha ige bolmighan. Netijide aygüzel munasiwetlik organlargha erz sun'ghan. U heqsizliqqa qarshi turghanliqi üchün, zawut teripidin nérwa késelliklerge doxturxanisigha apirip qoyulghan. Bu ehwalni aygüzelning dosti göher memet bizge inkas qilghan.

Zawuttiki bezi ishchilarning inkas qilishiche, bu xil dawalinish heqqige érishelmeslik, töwen ma'ash bilen éghir we paskina ishlargha sélinish asasen zawuttiki Uyghur ishchilar duch kéliwatqan mesililerdur. Shunga muhajirettiki Uyghur közetküchiler, aygüzel duch kelgen mesilini, milliy hoquq, kishilik hoquq we ishchilar hoquqi mesilisi dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.