Sherqiy türkistan weqpi mu'awin re'isi eser saka xanim türkiye parlamént re'isi jemil chéchek bilen uchrashti

Türkiye jumhuriyiti Uyghurlar eng köp olturaqlashqan döletlerdin biri. Bu dölette Uyghurlarning köpligen ammiwiy teshkilat we fondliri bar. Uyghurlarning ammiwiy teshkilat we fondliri Uyghurlar toghrisida xizmet - pa'aliyet élip baridu.
Ixtiyari muxbirimiz arslan
2012.01.27
Share on WhatsApp
Share on WhatsApp
eser-saka-xanim-305.png Sürette sherqiy türkistan weqpi mu'awin re'isi eser saka xanim türkiye parlamént re'isi jemil chéchek bilen bille
Photo: RFA

Bu teshkilatlar bezi waqitlarda bu teshkilatlarning rehberliri Uyghurlargha wakaliten türkiye jumhuriyitining minsitir derijilik emeldarliri bilen biwaste uchriship Uyghurlar toghrisida söhbet élip baridu.

1 - Ayning 26 - küni sherqiy türksitan wexpining mu'awin re'isi eser saka xanim, türkiye - türkmenistan dostluq jem'iyitining pexri re'isi salahiddin baysal ependi qatarliq ikki kishidin terkip tapqan bir hey'et türkiye jumhuriyiti parlamént re'isi jemil chéchek ependi bilen türkiye parlamént binasidiki ishxanisida uchrashti. Bu uchrishishta sherqiy türksitan wexpining mu'awin re'isi eser saka xanim, jemil chéchek ependige Uyghurlar we sherqiy türksitanning tarixi we nöwettiki weziyitini anglitish bilen birge, sherqiy türksitan wexpining türkiyide yashaydighan Uyghurlarning medeniyet we örp - adetlirini saqlap qélish meqsitide her türlük yighin - pa'aliyet uyushturup kéliwatqanliqini bildürdi.

Eser saka xanim türkiye parlamént re'isi jémil chéchek ependige Uyghurlar toghrisida yézilghan, “Sherqiy türksitan tarixy”, “5 - Iyul ürümchi qirghinchiliqi” we “Uyghurlarning medeniyet we tamaqliri” dégen'ge oxshash bir qanche parche kitab we Uyghurlarning chimen doppisini hediye qildi.

Biz bu heqte téximu köp melumatqa érishish üchün sherqiy türksitan wexpining mu'awin re'isi eser saka xanim bilen söhbet élip barduq.

Eser sakaxanim bu uchrishishning meqsiti néme dégen so'alimizgha jawab bérip mundaq dédi:

- Bu ziyaretning meqsiti hörmetlik parlamént re'isige Uyghurlar we sherqiy türksitan toghrisida melumat bérish we Uyghurlarni xatirilitish shundaqla 2012 - yili türkiyide xitay medeniyet yili dep élan qilin'ghanliqi üchün Uyghurlarni unutmasliqqa we Uyghurlargha köngül bölüshke chaqirish idi. Meqset hasil boldi, heqiqeten semimiy bir uchrishish boldi, bu ziyaret nahayiti ehmiyetlik bir ziyaret boldi.

Eser saka xanim, bu ziyaret jeryanida parlamént re'isi jemil chéchektin Uyghurlar toghrisida birer telep yaki iltimas sundimingizmu dégen so'alimizgha jawa'e bérip mundaq dédi:

- Biwaste bir telep yaki iltimas sunulmidi, emma bizni qollap - quwwetlishini telep qildim we sherqiy türksitan wexpining Uyghur xelqi üchün élip barghan xizmet - pa'aliyetliri toghrisida melumat berdim. Uyghur xelqining chet'ellerde yashawatqan bolsimu tarix we medeniyetlirige ige bolup yashawatqan bir xelq ikenlikini bildürdum. Men jemil chéchek ependige Uyghur doppisi we kitab hediye qildim. Jemil chéchek ependi doppini qeyerdin keltürgenlikimni sordi, men - sherqiy türksitandin keltürgen Uyghur doppisi ikenlikini bildürdim we bizni qollap - quwwetlishini telep qildim. Bu jeryanda jemil chéchek ependi Uyghurlarni yaxshi bilidighanliqini, her zaman Uyghur xelqining yénida ikenlikini ipadilidi.

Eser saka xanim, sizche, türkiye jumhuriyitining rehberliri meyli ministirlar bolsun, meyli parlamént ezaliri bolsun, Uyghurlargha qandaq qaraydu dégen so'alimizgha jawab bérip mundaq dédi:

- Méning hés qilishimche, türkiye jumhuriyitining rehberliri sherqiy türksitan mesilisige jiddiy qaraydu. Ikki dölet munasiwetliride sherqiy türkistan'gha yardem qilish üchün tirishiwatidu, dep qaraymen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.