Уйғур пидаийлар хитайниң 3 - қетимлиқ террорчи тизимликигә қарита инкас қайтурди

Хитай җ х министирлиқи мушу айниң 6 - күни баянат елан қилип 3 - қетимлиқ террорчилар тизимликини елан қилған вә чәт дөләтләрни бу тизимликтики кишиләрни тутуш үчүн ярдәмгә чақирған иди. Мәзкур тизимликкә қарита мушу айниң 19 - күни Youtube торида түркистан ислам партийиси намида бир баянат елан қилинди.
Мухбиримиз шөһрәт һошур
2012-04-27
Елхәт
Пикир
Share
Принт
Түркистан ислам партийисиниң YouTube дики баянатлиридики көрүнүшләрдин бири
Түркистан ислам партийисиниң YouTube дики баянатлиридики көрүнүшләрдин бири
Islam Awazi/Public Domain

Баянатта тизимликтики кишиләрниң түркистан ислам партийисиниң әзалири икәнлики билдүрүлди вә хитай террорчи дәп әйиблигән кишиләрниң хитайниң зулмиға баш әгмигән кишиләр икәнликини билдүрди. Төвәндә өз мухбиримиз шөһрәт һошурниң бу һәқтә тәйярлиған программисини аңлайсиләр:

Һөрмәтлик радио аңлиғучилар, хитай 3 - қетимлиқ террорчилар тизимликидә, нурмәмәт мәмәтимин, абдуқеюм қурбан, паруқ турсун, турсунҗан һәбибулла, нурмәмәт ришит, мәмәтимин нурмәмәт қатарлиқ 6 кишини«шәрқи түркистан террорчилириниң ғоллуқ унсурлири» дәп әйиблигән һәм уларниң мал - бисатлириниң тоңлитилғанлиқини елан қилған. Йотуб торида елан қилинған түркистан ислам партийси намидики баянатта, хитайниң террорчи дегән әйиблимиси рәт қилинған:

Баянатта, хитай йиллардин буян террорчи дәп әйибләп келиватқан кишиләрниң кимлики һәққидә тохтилип мундақ дегән: : хитай террорчи дәп әйибләватқан кишиләр ким?.....Улар, зулумға баш әгмигән,... Шәрқи түркистан хәлқиниң диний вә инсаний һәққи үчүн күрәш қиливатқан.... Кишиләрдур.»

Хитай җ х министирлиқи 3 - қетимлиқ террорчилар тизимликини елан қилғандин кейин, хитай ташқи ишлар баянатчисиму бу һәқтә пикир баян қилип, тизимликтики кишиләрниң җәнубий вә ғәрбий асиядики дөләтләрдә террорлуқ тәрбийиси көргәнликини, уларниң район вә дуня тинчлиқи үчүн тәһдит икәнликини билдүргән. Түркистан ислам партийиси баянатида, шәрқи түрркистандики күрәшниң мустәмликичиликкә қарши күрәш икәнликини, шәрқи түркистан хәлқиниң хитай һакимийитигә қарши күрәш қилиш һәққи барлиқини тәкитлигән.

Хитай 2003 - йилдин һазирға қәдәр җәмий 3 қетим қара тизимлик елан қилип, муһаҗирәттики уйғур паалийәтчилиридин мәмтимин һәзрәт, долқун әйса, һәсән мәхсум, абдуқадир япчан қатарлиқ йигирмә нәччә киши вә төт тәшкилатни террорлуқ билән әйиблигән, һәм бу кишиләр туруватқан дөләтләрдин бу кишиләрни тутуп хитайға қайтуруп беришини тәләп қилған. Әмма хитай бу мәқситигә йетәлмигән.

Хитай һөкүмити йеқинқи йиллардин бери, пакистан, қазақистан вә өзбекистан қатарлиқ өзигә муһтаҗ дөләтләрни индәккә кәлтүрүп, бир түркүм уйғур пидаийлар вә панаһланғучиларни хитайға қайтуруп әкәткән.

Түркистан ислам партийиси хитайниң чәт дөләтләрни өз йениға тартиш арқилиқ, шәрқи түркистан хәлқиғә һәйвә көрсәтмәкчи вә уларни мустәқиллиқ күришидин ваз кәчтүрмәкчи болуватқанлиқини, әмма хитайниң бу мәқситигә һәргиз йетәлмәйдиғанлиқини әскәрткән.

Тәшкилат баянатида йәнә, дуня җамаитини, хитайниң тәшвиқатлириға алданмаслиққа, залимға ян басмаслиққа чақирған; шундақла йәнә инсанний, қәдир - қиммәтни үстүн билидиған бир дөләтниң шәрқи түркистан мәсилисидә, хитай тәрәптә турмайдиғанлиқиға ишнидиғанлиқини билдүргән:

Һөрмәтлик радио аңлиғучилар, муһаҗирәттики уйғурларниң көпинчиси дуня уйғур қурултийиниң йетәкчиликидә, уйғур мәсилисини өзлири яшаватқан дөләтләрдә демократик усулда вә тинчлиқ шәклидә давамлаштурмақта; мәлум болушичә йәнә, бир түркум кишиләр, миллий мустәқиллиқ күришидә қораллиқ күрәш йолини ваз кечилмәс дәп қарашмақта.

Бәзи мутәхәссисләрниң баян қилишичә, түркистан ислам партийиси шәрқи туркистан ислам һәрикити тәшкилатиниң йәнә бир намидур. Әмма униң ениқ әза сани вә һәрикәт қабилийити мәлум әмәс. Пәқәт униң мәвҗут орни йәни һәрикәт базиси һәққидә охшимиған пәрәзләр мәвҗут.

Пикирләр (0)
Share
Толуқ бәт