Uyghur pida'iylar xitayning 3 - qétimliq térrorchi tizimlikige qarita inkas qayturdi

Xitay j x ministirliqi mushu ayning 6 - küni bayanat élan qilip 3 - qétimliq térrorchilar tizimlikini élan qilghan we chet döletlerni bu tizimliktiki kishilerni tutush üchün yardemge chaqirghan idi. Mezkur tizimlikke qarita mushu ayning 19 - küni Youtube torida türkistan islam partiyisi namida bir bayanat élan qilindi.
Muxbirimiz shöhret hoshur
2012-04-27
Élxet
Pikir
Share
Print
Türkistan islam partiyisining YouTube diki bayanatliridiki körünüshlerdin biri
Türkistan islam partiyisining YouTube diki bayanatliridiki körünüshlerdin biri
Islam Awazi/Public Domain

Bayanatta tizimliktiki kishilerning türkistan islam partiyisining ezaliri ikenliki bildürüldi we xitay térrorchi dep eyibligen kishilerning xitayning zulmigha bash egmigen kishiler ikenlikini bildürdi. Töwende öz muxbirimiz shöhret hoshurning bu heqte teyyarlighan programmisini anglaysiler:

Hörmetlik radi'o anglighuchilar, xitay 3 - qétimliq térrorchilar tizimlikide, nurmemet memet'imin, abduqéyum qurban, paruq tursun, tursunjan hebibulla, nurmemet rishit, memet'imin nurmemet qatarliq 6 kishini"Sherqi türkistan térrorchilirining gholluq unsurliri" dep eyibligen hem ularning mal - bisatlirining tonglitilghanliqini élan qilghan. Yotub torida élan qilin'ghan türkistan islam partiysi namidiki bayanatta, xitayning térrorchi dégen eyiblimisi ret qilin'ghan:

Bayanatta, xitay yillardin buyan térrorchi dep eyiblep kéliwatqan kishilerning kimliki heqqide toxtilip mundaq dégen: : xitay térrorchi dep eyiblewatqan kishiler kim?.....Ular, zulumgha bash egmigen,... Sherqi türkistan xelqining diniy we insaniy heqqi üchün küresh qiliwatqan.... Kishilerdur."

Xitay j x ministirliqi 3 - qétimliq térrorchilar tizimlikini élan qilghandin kéyin, xitay tashqi ishlar bayanatchisimu bu heqte pikir bayan qilip, tizimliktiki kishilerning jenubiy we gherbiy asiyadiki döletlerde térrorluq terbiyisi körgenlikini, ularning rayon we dunya tinchliqi üchün tehdit ikenlikini bildürgen. Türkistan islam partiyisi bayanatida, sherqi türrkistandiki küreshning mustemlikichilikke qarshi küresh ikenlikini, sherqi türkistan xelqining xitay hakimiyitige qarshi küresh qilish heqqi barliqini tekitligen.

Xitay 2003 - yildin hazirgha qeder jem'iy 3 qétim qara tizimlik élan qilip, muhajirettiki Uyghur pa'aliyetchiliridin memtimin hezret, dolqun eysa, hesen mexsum, abduqadir yapchan qatarliq yigirme nechche kishi we töt teshkilatni térrorluq bilen eyibligen, hem bu kishiler turuwatqan döletlerdin bu kishilerni tutup xitaygha qayturup bérishini telep qilghan. Emma xitay bu meqsitige yételmigen.

Xitay hökümiti yéqinqi yillardin béri, pakistan, qazaqistan we özbékistan qatarliq özige muhtaj döletlerni indekke keltürüp, bir türküm Uyghur pida'iylar we panahlan'ghuchilarni xitaygha qayturup eketken.

Türkistan islam partiyisi xitayning chet döletlerni öz yénigha tartish arqiliq, sherqi türkistan xelqighe heywe körsetmekchi we ularni musteqilliq kürishidin waz kechtürmekchi boluwatqanliqini, emma xitayning bu meqsitige hergiz yételmeydighanliqini eskertken.

Teshkilat bayanatida yene, dunya jama'itini, xitayning teshwiqatlirigha aldanmasliqqa, zalimgha yan basmasliqqa chaqirghan؛ shundaqla yene insanniy, qedir - qimmetni üstün bilidighan bir döletning sherqi türkistan mesiliside, xitay terepte turmaydighanliqigha ishnidighanliqini bildürgen:

Hörmetlik radi'o anglighuchilar, muhajirettiki Uyghurlarning köpinchisi dunya Uyghur qurultiyining yétekchilikide, Uyghur mesilisini özliri yashawatqan döletlerde démokratik usulda we tinchliq sheklide dawamlashturmaqta؛ melum bolushiche yene, bir türkum kishiler, milliy musteqilliq kürishide qoralliq küresh yolini waz kéchilmes dep qarashmaqta.

Bezi mutexessislerning bayan qilishiche, türkistan islam partiyisi sherqi turkistan islam herikiti teshkilatining yene bir namidur. Emma uning éniq eza sani we heriket qabiliyiti melum emes. Peqet uning mewjut orni yeni heriket bazisi heqqide oxshimighan perezler mewjut.

Toluq bet