«ئەيدىز ھەققىدە ئۆسەك تارقاتقۇچىلار ھەقىقىي مىللىي بۆلگۈنچى، ھەقىقىي تېررورچىلار»

«1 - دېكابىر خەلقئارا ئەيدىز چەكلەش كۈنى» كېلىش ئالدىدا، يامان نىيەتلىك بىر قانچە خىتاينىڭ تور ۋە يان فوندا « شىنجاڭلىق ئەيدىزلەر ئاشخانىلاردا قېنىنى تېمىتىپ ئەيدىز تارقاتماقتا، بەزىلەر يۇقۇملانغان» دەپ ئۆسەك سۆز تارقىتىپ، ئۇيغۇر ئېلىدىلا ئەمەس، پۈتۈن خىتاي مىقياسىدا تور ۋە جەمئىيەتتە غۇلغۇلا پەيدا قىلدى، گەرچە خىتاي جامائەت خەۋپسىزلىك تارماقلىرى بۇ جىنايەتچىلەرنى قولغا ئېلىپ، بۇنىڭ ئېغۋا ئىكەنلىكى، ئۇنىڭ ئۈستىگە ئەيدىزنىڭ يېمەك ئارقىلىق تارقالمايدىغانلىقى ھەققىدە بايانات بەرگەن بولسىمۇ، بىگۇناھ ئۇيغۇرلارنىڭ دائىم مۇشۇ خىلدىكى غەرەزلىك ئېغىۋالارنىڭ نىشانى ھەم قۇربانىغا ئايلىنىپ قېلىۋاتقانلىقى ئۇيغۇرلاردا نارازىلىق قوزغىماقتا.