Eysa yüsüp aliptékin wapatining 14 yilliqini xatirilesh murasimi ötküzüldi

Merkizi türkiyining istanbul shehirige jaylashqan sherqiy türkistan köchmenler jem'iyitining uyushturushi bilen , 2009 ‏ - yili 29 ‏ - yanwar peyshenbe küni sherqiy türkistan dawasining bayraqdari dep tonulghan merhum eysa yumup alptékinning wapat bolghanliqining 14 ‏ - yilliqini xatirilesh murasimi ötküzüldi.
Muxbirimiz arslan
2009-01-30
Share
Eysa-Aliptekin-xatire-305 2009 ‏ - Yili 29 ‏ - yanwar peyshenbe küni ötküzülgen, sherqiy türkistan dawasining bayraqdari dep tonulghan merhum eysa yumup alptékinning wapat bolghanliqining 14 ‏ - yilliqini xatirilesh murasimidin bir körünüsh.
RFA Photo / Arslan

Murasim sherqiy türkistan köchmenler jem'iyitining yighin zalida ötküzülgen bolup, murasimgha sherqiy türkistan wexpi, sherqiy türkistan ma'arip we hemkarliq jem'iyiti, sherqiy türkistan yashlar teshkilati, qazaq türkler wexpi qatarliq sherqiy türkistan ijtima'iy teshkilatlarning wekilliri we istanbulda yashawatqan Uyghur ‏ - qazaqlardin bolup 150 din artuq kishi qatnashti.

Murasimgha yene istanbul shehirining mu'awin waliysi mustafa aqtash ependi, köp sanda merhum eysa yüsüp alptékinning dostliri, sherqiy türkistan dewasigha köngül bölidighan shexsler, yazghuchilar, ilmiy tetqiqatchilarmu ishtirak qildi.

Murasimgha istanbul uniwérsitéti til ‏ - edebiyat fakultéti tarix bölümining oqutquchisi proféssor doktur abduqadir donuk ependi riyasetchilik qildi. Murasim merhum eysa yüsüp aliptékin'ge we türk dunyasi shéhidlirige hörmet bildürüsh üchün bir minutluq sükütte turush bilen bashlandi.

Istiqlal marshi oqulghandin kéyin sherqiy türkistan köchmenler jem'iyitining bashliqi doktur exmet türkoz ependi échilish nutiqi sözlidi.

Murasimda, türkiyining sabiq parlamént ezasi we hazir istanbul uniwérsitéti iqtisad fakultétining oqutquchisi bolup xizmet qiliwatqan, proféssor doktur newzat yalchintash ependi "eysa yüsüp aliptékin rehbiriy shexs idi" dégen témida, yazghuchi sami yawurjuk ependi, "eysa yüsüp aliptékin we sherqiy türkistan dawasi" dégen témida, istanbul uniwérsitétining ilmiy tetqiqatchi xadimi ömer qul ependi, "eysa yüsüp alptékinning bilinmigen terepliri" dégen témida, mimar sinan güzel ‏ - sen'etler uniwérsitéti til ‏ - edebiyat fakultétining oqutquchisi proféssor doktor gülshen chandarli'oghlu xanim, "eysa yüsüp alptékinning chet'el ziyaretliri" dégen témida, merhum eysa yüsüp alptékinning oghli arslan aliptékin "eysa yüsüp aliptékinning xizmet pa'aliyetliri "dégen témida söz qildi.

Murasimda yene türkiye jumhuriyiti dölet ministiri mustapa séyit yaziji'oghli we istanbul tijaret merkizining bashliqi murat yalchintash ependining ewetken télégrammiliri oqup ötüldi.

Murasim axirlashqanda, sherqiy türkistan köchmenler jem'iyitining bashliqi exmet türkoz murasimda söz qilghuchilarni tebriklep sherep taxtisi teqdim qildi. Murasim kechlik tamaq ziyapitidin kéyin axirlashti.

Biz murasim axirlashqanda merhum eysa yüsüp alptékinning oghli arslan aliptékin ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet