0:00 / 0:00
مەركىزى ئىتالىيىنىڭ پايتەختى رىم شەھىرىگە جالاشقان ئەركىن مەدەنىيەت جەمئىيىتىنىڭ ئورۇنلاشتۇرۇشى بىلەن 10-ئاينىڭ 22-كۈنى چۈشتىن كېيىن سائەت 3 تە ياۋروپانىڭ ئەڭ چوڭ شەھەرلىرىدىن فرانسىيىنىڭ پايتەختى پارىژ، ئىتالىيىنىڭ پايتەختى رىم ۋە گېرمانىيىنىڭ پايتەختى بېرلىن قاتارلىق شەھەرلەردە 4-نۆۋەتلىك خەلقئارالىق ئېزىلگەن مىللەتلەر ۋە ئاز سانلىق خەلقلەرنىڭ ئەركىنلىك يۈرۈشى پائالىيىتى ئۆتكۈزۈلدى. پارىژدا ئۆتكۈزۈلگەن پائالىيەتكە تىبەتلەر، ۋيېتناملىقلار، تەيۋەنلىكلەر، دېموكرات خىتايلار، فالۇڭگوڭچىلاردىن باشقا ئۇيغۇرلارمۇ قاتناشتى.
بىز فرانسىيىنىڭ پايتەختى پارىژدىكى ئەركىنلىك مەيدانىدا ئۆتكۈزۈلگەن نامايىش ھەققىدە نەق مەيدانغا تېلېفون قىلىپ فرانسىيە ئۇيغۇر كومىتېتىنىڭ رەئىسى ئەكبەر يۈسۈپ ئەپەندى ۋە ئۇيغۇر نامايىشچىلار بىلەن سۆھبەت ئېلىپ باردۇق.