Fransiyining parizh shehiride xitaygha qarshi namayish boldi

Fransiyining paytexti parizh shehiridiki tömür munari yénidiki chong meydanda xitaygha qarshi namayish boldi.
Ixtiyariy muxbirimiz erkin tarim
2011.11.03
fransiye-namayishchilar-bayanat-bermekte-305.jpg 20 Dölet rehberliri yighinigha kelgen xitay dölet re'isi xu jintawgha naraziliq namayishi ötküzüldi. 2011-Yili 2-noyabir, parizh.
RFA/Erkin Tarim

Namayish sana'etleshken we tereqqiy qiliwatqan 20 dölet rehberliri yighinigha qatnishish üchün fransiyining kan shehirige kelgen xitay dölet re'isi xu jintawgha we xitayning tibet hem Uyghurlargha élip bériwatqan bésim siyasitige naraziliq bildürüsh üchün ötküzülgen. 11-Ayning 2-küni chüshtin kéyin sa'et üchte élip bérilghan bu namayishqa tibetler, wyétnamliqlar, sherqiy türkistanliq Uyghurlar we fransiye yéshillar partiyisining parlamént ezaliridin bolup 200 etrapida kishi qatnashqan.

parijde-namayish-noyabir-385.jpg
20 Dölet rehberliri yighinigha kelgen xitay dölet re'isi xu jintawgha naraziliq namayishi ötküzüldi. 2011-Yili 2-noyabir, parizh.
RFA/Erkin Tarim

Fransuz parlamént ezaliri namayishta muxbirlargha bayanat bérip tibet we Uyghurlarning xitaygha qarshi élip bériwatqan kürishini qollap quwwetleydighanliqini xitayning bésim siyasitini qattiq eyibleydighanliqini éytqan. Namayishqa qatnashqan nadire xanimning éytishiche bu qétimqi namayish meydanigha köp sanda muxbirlarning kélishi kishilerning diqqet-étibarini tartqan.

Biz bu pa'aliyet heqqide téximu tepsiliy melumat élish üchün fransiye Uyghur komitétining re'isi ekber yüsüp ependi we namayishchilar bilen téléfon söhbiti élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.