Гуантанамодики уйғурларниң адвокати түрмә һәрбий даирилиригә наразилиқ билдүрди

Гүәнтанамо түрмисидә тутуп турулуватқан 17 нәпәр уйғурниң баш адвокати сейбин веллит әпәнди, мәзкүр тутқунлар мәсилисиниң америка федерал сотидики тәрәққиятини уйғур тутқунлириға йәткүзүш үчүн, 26 ‏- өктәбир күни гүәнтанамо деңиз қолтуқидики игвана лагириға йетип барған.
Мухбиримиз әқидә
2008.10.29
Gitmo-rushan1-305 Сүрәт, гүәнтанамо түрмиси сәпиридә, мухбиримизниң телефон зийаритини қобул қилған рошән ханим вә гүәнтанамо түрмисидә тутуп турулуватқан 17 нәпәр уйғурниң баш адвокати сейбин веллит әпәнди гуантанамо түрмисиниң сиртида.
Courtesy of UAA

27 ‏- Өктәбир күни 17 киши билән көрүшмәкчи болған адвокат сейбин әпәнди дүшмән җәңчиси һесабланмиған бу уйғурларни йәнила кишәнләнгән һалда көрүшни халимай, америка мудапиә министирлиқидин улар билән зәнҗир вә кишәнсиз әркин һалда учришишни тәләп қилған .

Бирақ адвокатниң мәзкүр тәлипи гуантанамодики һәрбий даириләр тәрипидин рәт қилинған болуп, буниңға наразилиқ билдүргән сейбин веллит әпәнди сотниң һөкүмидин кейинму қоюп берилмәй изчил тутуп турулуватқан уйғурлар билән, игвана лагиридики төмүр решаткилиқ қорониң сиртида туруп 6 саәт сөһбәтләшкән.

Тәрҗиманлиқ вәзиписини өтәватқан, уйғур америка бирләшмисиниң муавин рәиси, рошән ханим гуантанамода телефун зияритимизни қобул қилип бизгә бу һәқтә мәлумат йәткүзди.

Юқириқи аваз улинишидин, бу телефон сөһбитиниң тәпсилатини аңлайсиз.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.