Gu'antanamodiki Uyghurlarning adwokati türme herbiy da'irilirige naraziliq bildürdi

Güentanamo türmiside tutup turuluwatqan 17 neper Uyghurning bash adwokati séybin wéllit ependi, mezkür tutqunlar mesilisining amérika fédéral sotidiki tereqqiyatini Uyghur tutqunlirigha yetküzüsh üchün, 26 ‏- öktebir küni güentanamo déngiz qoltuqidiki igwana lagirigha yétip barghan.
Muxbirimiz eqide
2008.10.29
Gitmo-rushan1-305 Süret, güentanamo türmisi sepiride, muxbirimizning téléfon ziyaritini qobul qilghan roshen xanim we güentanamo türmiside tutup turuluwatqan 17 neper uyghurning bash adwokati séybin wéllit ependi guantanamo türmisining sirtida.
Courtesy of UAA

27 ‏- Öktebir küni 17 kishi bilen körüshmekchi bolghan adwokat séybin ependi düshmen jengchisi hésablanmighan bu Uyghurlarni yenila kishenlen'gen halda körüshni xalimay, amérika mudapi'e ministirliqidin ular bilen zenjir we kishensiz erkin halda uchrishishni telep qilghan .

Biraq adwokatning mezkür telipi gu'antanamodiki herbiy da'iriler teripidin ret qilin'ghan bolup, buninggha naraziliq bildürgen séybin wéllit ependi sotning hökümidin kéyinmu qoyup bérilmey izchil tutup turuluwatqan Uyghurlar bilen, igwana lagiridiki tömür réshatkiliq qoroning sirtida turup 6 sa'et söhbetleshken.

Terjimanliq wezipisini ötewatqan, Uyghur amérika birleshmisining mu'awin re'isi, roshen xanim gu'antanamoda téléfun ziyaritimizni qobul qilip bizge bu heqte melumat yetküzdi.

Yuqiriqi awaz ulinishidin, bu téléfon söhbitining tepsilatini anglaysiz.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.