Gérmaniyide qurban héytliq pa'aliyet ötküzüldi

Bu pa'aliyetke myunxén shehiridiki Uyghurlardin 200 din artuq adem qatnashti. Firansiye, ereb birleshme xelipiliki qatarliq ellerdin kelgen méhmanlarmu bu héytliq merikige ishtirak qildi. Unponing pexriy re'isi erkin aliptékin ependi we d u q ning myunxén shehiridiki her sahe rehberlirimu sorun'gha daxil bolup, héyt keypiyatining janlinishigha türtke boldi.

RFA/Ekrem

Aldi bilen bu pa'aliyetni uyushturghan yawropa sherqiy türkistan birliki teshkilatining re'isi abdujélil ependi jama'etni héyt merikisi bilen qutlidi. Andin sorun ehli mezzilik Uyghurche ta'amlar bilen ghizalandi. D u q mu'awin re'isi esqerjan ependi bügünki héytliq pa'aliyetke bolghan tesiratini bildürüp ötti. Gérmaniyidiki Uyghur ziyaliyliridin ablimit tursun ependimu ipade bildürüp, qurban héytliq bu pa'aliyetning tolimu köngüllük ötkenlikini tilgha aldi.

Sorunning axirida Uyghurche naxsha, usul pa'aliyetliri bolup ötti. Er-ayallar lerzan usullargha chüshüp, qoyuq héyt keypiyati yaratti. Sorun xatimiside du'a qilindi.