5-Iyuldin kéyin iz-déreksiz ghayib bolghanlar (28)

Yéqinda bayqalghan ghayiplardin biri alimjan bekri. Melum bolushiche, u 5 - iyul künidiki namayishta, sepning aldida mangghanlardin biri, u shu küni kechtin étibaren iz - déreksiz ghayip. Bügünki programimizda alimjan bekrining kimliki we ghayip bolush jeryani heqqide melumat bergendin kéyin, ürumchidiki alaqidar mes'ul xadimlarning birqisim ghayiplar a'ile - tawabi'atlirigha bergen yéngi jawabliri heqqide melumat bérimiz.
Muxbirimiz shöhret hoshur
2012.12.28
Share on WhatsApp
Share on WhatsApp
alimjan-bekri-305.png 5 - Iyuldin kéyin iz - déreksiz ghayip bolghan alimjan bekri
Photo: RFA


Melum bolushiche, ürümchi sheherlik saqchi idarisi erziyet bölümining mes'uli ghayiplar heqqide tekshürüshning axirlashqanliqini, tekshürüsh netijisini élan qilish üchün yuqiridin buyruq kütiwatqanliqini éytqan.

Alimjan bekri, 1985 - yili ürümchide tughulghan. U 2003 - yili ürümchi tejribe ottura mektipini püttürgen؛ u aly mektep émtihanidin ela netije bilen ötken bolsimu, a'ilisining iqtisadiy qiyinchiliqi sewebidin, aliy mektep derwazisidin kirelmigen. Alimjan bekri, bir mehel jem'iyette ishsiz yürgendin kéyin, 2006 - yili ürümchidiki dixu'a öy - mülk shirkitige ishqa chüshken. Öy satquchi bolup ishlesh dawamida, közge körünerlik netije yaritip shirkiti teripidin 2 qétim teqdirlen'gen we xitay ölkilirini heqsiz sayahet qilishqa ewetilgen. Xizmiti utuqluq, turmushi normal kétiwatqan alimjan bekri, 2009 - yilidiki 26 - iyun shawgüen weqesini intérnéttin körgendin kéyin, kündilik hayatida burulush xaraktérlik özgirish bolghan. Uning qérindashlirining ashkarilishiche, shawgüen weqesidin kéyin nechche künlep uxlimighan؛ dostliri bilen sa'et - sa'etlep weqe heqqide pikir we mulahize qilishqan. 5 - Iyul küni ürümchide shawgu'en weqesige qarshi namayish yüz bergende, u sepning aldida orun alghan. Namayish toqunushqa aylan'ghan mezgilde, kech sa'et 8 etrapida u sheherning muzika zawuti dep atilidighan tewelikide körulgen bolup, shuningdin kéyin uning iz - dériki melum emes.

Hörmetlik radi'o anglighuchilar, ürümchidiki ghayiplar a'ile - tawabi'atliri, da'irilerdin perzentlirining iz - dérikini dawamliq türde sürüshte qilmaqta. Mushu heptining béshida yene 10gha yéqin kishi, sheherlik saqchi idarisigha barghan. Alaqidar mes'ul xadim töwendikiche jawab qayturghan. Melum bolushiche, ghayiplarni tizimlash we éniqlash ishlirigha, ürümchi sheherlik saqchi idarisidin, qadir, emetjan we tursun bexti qatarliq kishiler mes'ul bolghan bolup, bulardin tursun bexti 2 ayning aldida sirliq halda jan üzgen. Emetjan we qadir qatarliq kishiler, ghayiplar heqqide tekshürüshni tamamlap bolghanliqini, ularning hayat yaki mamatliqini éniq bilidighanliqini, buni ashkarilash üchün peqet yuqiridin buyruq kütüwatqanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.