“Méning gherbiy diyarim, séning sherqiy türkistaning” namliq kitab yapon tilida neshr qilindi

Mezkur eserni hazir yaponiyide yashawatqan xitay yazghuchisi lyu yenzi qatarliq kishiler terjime qilghan bolup, kitab jem'iy 4 bab, 470 bettin terkib tapqan. Mezkur kitabning aptori wang lishyung ependi 1999-yilidin 2006-yiligha qeder Uyghur diyarida mexpiy halda ijtima'iy we siyasiy tekshürüsh élip barghandin kéyin, özi körgen we Uyghurlarning éghzidin anglighan weqelerge asasen yézip chiqqan bu kitabini 2007-yili 10-ayning 1-küni teywende neshr qildurghan. Mezkur kitab hazir xitayda cheklen'gen bolup, hazirghiche xitay tor betliride kitab heqqide mulahiziler élip bérilmaqta.

Zkur kitab bashqa xitay yazghuchilirining kitabi we tetqiqatidin zor perq qilidighan tekshürüsh doklati bolup, chet'eldiki we xitaydiki sherqiy türkistan mesilisige köngül bölüwatqanlar üchün paydilinishi qimmiti zor, kitabta déyilgen weqeler nahayiti muhim weqeler bolup, zörür tépilghanda, chet'eldiki bezi insan heqliri teshkilatlirigha Uyghurlarning dehshetlik siyasiy zulum astida yashawatqanliqining delil-ispat süpitide körsitishke bolidu.

Mezkur kitab yaponiyide neshr qilinip tarqitilghandin kéyin, yaponiye metbu'atlirida arqa-arqidin inkaslar élan qilin'ghan.

Biz mezkur kitab heqqide melumat élish üchün yaponiye kagoshima uniwérsitétining mutexessisi doktor haji qutluq qadiri ependi bilen téléfon söhbiti élip barduq.