5-Феврал ғулҗа инқилабиниң йәнә бир қурбани абдусалам қарим һәққидә

Абдусалам қарим шу йили 30 яш әтрапида болуп диний вә пәнний билиминиң моллиқи билән ғулҗа хәлқи арисида болупму яшлар арисида зор шөһрәт қазанған.
Ихтиярий мухбиримиз гүлшән абдуқадир
2012.02.29
Share on WhatsApp
Share on WhatsApp
abduxelil-abdumijit-305.jpg 1997-Йили 5- феврал ғулҗа вәқәсидин кейин қолға елинған абдухелил адумиҗитниң түрмидики сүрити. Мәлум болушичә, абдухелил абдумиҗит қолға елинғандин кейин, 2000-йили 15-өктәбир күни чапчал түрмисидә қийнап өлтүрүлгән.
www.uyghurnews.com

5-Феврал шаһитлириниң билдүрүшичә, хитай даирилири 5-феврал ғулҗа инқилабиниң йолбашчилиридин абдухелил миҗитни қолға алғандин кейин, ғулҗидики хәлқ арисида инавәт қазанған җамаәт әрбаблири, диний затлар вә оқумушлуқ зиялийларни кәң көләмдә тутқун қилишқа башлиған. Буларниң бири ғулҗа шәһәр дөңмәһәллидә олтурушлуқ абдусалам қарим. Абдусалам қарим шу йили 30 яш әтрапида болуп диний вә пәнний билиминиң моллиқи билән ғулҗа хәлқи арисида болупму яшлар арисида зор шөһрәт қазанған. 5-Феврал ғулҗа намайиши йүз берип 6 айдин кейин йәни авғуст айлириниң мәлум бир кечиси или областлиқ қораллиқ сақчи бөлүминиң хадимлири уни өйидин сорақ қилимиз дегән баһанә билән елип кетип 2 күндин кейин сақчи бинасидин өзини ташливалди дәп аилисигә униң җәситини бәргән. Әмма һечким униң өзини өлтүрүвалғанлиқиға ишәнмигән, чүнки уни сорақ җәрянида сақчиларниң уруп өлтүрүвәткәнлики һәқиқәт. Бу һәқтә абдусалам қариминиң әң йеқин ағиниси, әйни чағда униң мейитини ююшқа қатнашқан абдуразақ әпәнди оз қарашлирини билдүрди.

Абдусалам қаримини йеқиндин билидиған, гүәнтанамо түрмисидин қоюп берилип һазир албанийидә яшаватқан абабәкри қасим, абдусалам қариминиң әйни чағда ғулҗида өткүзүлгән мейит намизини әсләп өтти.

Һазир шветсийидә яшаватқан 5-феврал шаһитлириниң бири адилҗан һаким. У абдусалам қарим һәққидә тохтилип, ислам динида өзини өлтүрүвелишниң қаттиқ чәклинидиғанлиқини, бу нуқтини абдусалам қариминиң яхши билидиғанлиқини тәкитләйду.

Һазир явропадики мәлум бир дөләттә яшаватқан сабаһ тәхәллусидики бир ханим, 5-феврал ғулҗа инқилаби һәққидики күндилик хатирисигә мундақ дәп язиду:
‏-Хәлқимгә апирин. Ғулҗа хәлқи кимләрдин нәпрәтлинип, кимләрни бешида көтүрүшни яхши билидиған хәлқ. Бүгүн ғулҗа кочилири адәм деңизиға айланди. Мәһәллиләр адәмсиз, һәммә киши ғулҗа шәһиридики бәйтулла мәсчитигә қарап ақмақта. Кишиләр бир-бири билән қол елишип көрүшүп, әлһөкмилилла дейишкәнчә алиқанлирини йүзлиригә сүрмәктә. Бүгүн ғулҗа асминида бир тавутниң ләпилдәп учқинини көрдүм. Ғулҗидики қарадөң қәбристанлиқи ели вадисиниң сөйүмлүк оғли, йәнә бир сәркисини өз қойниға алди. Бу сәркә ғулҗа шәһәр дөңмәһәллидә олтурушлуқ абдусалам қарим иди.

Бу программиниң тәпсилатини юқиридики улиништин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.