Ghulja üch'on weqesining 12 yilliqi

Igileshlerge asaslan'ghanda, bultur 6 - ayning 26 - küni gu'angdung ölkisining shawgüen shehiridiki bir oyunchuq zawutida yüz bergen Uyghur ishchilarni rehimsizlerche urup dumbalash weqesige oxshash bir weqe, 1998 - yili 6 - ayning 26 - küni yeni shawgüen weqesi bilen oxshash künde ghulja shehirining üch'on yézisidimu yüz bergen.
Muxbirimiz gülshen abduqadir
2010-06-18
Élxet
Pikir
Share
Print
Süret, 1997 - yili 5 - féwral künidiki ghulja yashlirining ténchliq namayishidin bir körünüsh.
Süret, 1997 - yili 5 - féwral künidiki ghulja yashlirining ténchliq namayishidin bir körünüsh.
Youtube.com Din élindi.

Emma, u qétimqi toqunush xitayning 8660 - qisim dep atilidighan alahide muntizm qisimi bilen Uyghur qarshiliq körsetküchi guruppilar arisida yüz bergen. Bu heqte weqedin xewerdar bir radi'o anglighuchi ziyaritimizni qobul qildi.

Shawgüen weqeside xitaylar teripidin 2 Uyghur ishchi urup öltürüwétilgen, 100 lerche ishchi qattiq urup dumbalan'ghan bolsa, del bundin 12 yil burunqi oxshash künde tursun seley qatarliq qolida tömürning sunuqimu yoq bir qanche yash xitayning ghulja shehiridin chiqqan 8660 - qisim dep atilidighan alahide qoralliq qisimliri bilen, ghulja shehirining üch'on yézisida seher sa'et 4 tin chüshtin kéyin sa'et 3 giche étishqan, shu küni erkinlik jengchisi tursun seley shéhit bolghan.

Igileshlerge asaslan'ghanda ular özlirige hujum qilghan xitay eskerlirining qorallirini tartiwélip qarshiliq körsetken bolup, étishishta xitayning lung féy we nurlan qatarliq bir qanche eskiri erkinlik jengchiliri teripidin étip öltürülgen.

Bundin 12 yil burun yeni shawgüen weqesi yüz bergen oxshash kün 6 - ayning 26 - künide xitay eskerliri erkinlik jengchisi tursun seleyni tirik qolgha chüshürüsh üchün üch'on yézisidiki bir déhqanni görüge éliwalghanliqi melum.

Üch'on yézisida yüz bergen shu künki qanliq toqunushta, erkinlik jengchisi xemit memet, ilyas zordun we meqber qasim qatarliq 3 kishi qorshawni buzup chiqqandin kéyin , ghulja xelqining 2 aydin artuq öz qoynigha élishi netijiside, xitay eskerlirining öymu - öy qidirip tekshürüshliridin aman - ésen halda shu yili 8 - ayning 30 - küni qazaqistanning ghaljat rayonigha saq - salamet qéchip kelgen. Emma, qazaq da'irilirining xitay terepning telipige qoshulushi bilen bilen, 1999 - yili xemit qasim we uning hemrahliri xitaygha ötküzüp bérilip, xemit memetning 2 yil kéchiktürüp ölümge höküm qilin'ghanliqi, emma hökümning téxi ijra qilinmighanliqi melum.

Igileshlerge asaslan'ghanda, shawgüen weqesi bilen oxshash künde yüz bergen 26 - iyun üch'on weqesini ghulja xelqi xuddi türklerning chanaq qel'e qehrimanliq dastanliridek étibarlap her yili yoshurun xatirilep kelmekte iken.

Köpinche mustemlike hakimiyetler térrorchi dep qarighan kishilerni öz xelqi weten we milletning pexirlik perzentliri dep qarimaqta. Mesilen, rabiye qadir we hashim taj. Gerche xitay hökümiti bundin 12 yil burun, bulturqi shawgüen weqesi bilen oxshash bir künde yüz bergen üch'on weqeside shéhit bolghan tursun seley we 2 yil kéchiktürüp ölümge höküm qilin'ghan xemit memetlerni térrorchi dep qarisimu, emma Uyghur xelqning ulargha bergen bahasi bashqiche.

Ghuljidiki 8660 - qisim dep atilidighan alahide qoralliq qisim xitay hökümiti 5 - féwral ghulja inqilabidin kéyin lenju herbiy rayonidin alahide yötkep kelgen qisim bolup, memliket derijilik alahide terbiyilen'gen 10 mingdin artuq eskerge ige.

26 - Iyun üch'on weqeside bir guruppa Uyghur qarshiliq körsetküchilerning seher sa'et 4 din chüshtin kéyin sa'et 4 lergiche bu muntizim terbiyilen'gen alahide qisim bilen qattiq étiship qorshawni bösüp chiqip ketkenlikidek ehwal ghulja xelqi arisida riwayet tüsini élip, éghizdin - éghizgha tarqilip yürmekte iken.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet