Gérmaniyidiki Uyghur ayallirini terbiyilesh kursi dawamlashmaqta

Uyghur ayallirini terbiyilesh kursi gérmaniyining myunxén shehiride dawamlashmaqta. Radi'omizning igilishiche, mezkür kurs muweppeqiyetlik ötküzülüsh bilen birge, özining ünümini heqiqiy jari qildurup, kursqa ishtirak qiliwatqan ayallarning Uyghur milliy dawasi yolidiki rohining küchiyishige alahide türtke élip kelgen.
Muxbirimiz eqide xewiri
2008-07-22
Élxet
Pikir
Share
Print

 Dunya Uyghur qurultiyining mu'awin re'isi esqerjan ependi bu heqte istansimizning ziyaritini qobul qilip, bu qétimqi ayallarni terbiyilesh kursining gérmaniye bawariye parlaméntida ötküzülgenlikining tolimu ehmiyetlik ikenlikini bildürdi shuningdek kursqa qatnishiwatqan ayal wekillermu öz tesiratlirini bayan qildi.

Xelq'ara Uyghur kishilik hoquq we démokratiye fondi, amérika démokratiyini ilgiri sürüsh fondining maddiy yardimi we dunya Uyghur qurultiyi, gérmaniye bawariye parlaménti yéshillar partiyisining hemkarliqida Uyghur ayallirini démokratiye we kishilik hoquq buyiche terbiyilesh kursi dawamlishiwatqan bolup, bu qétimqi kursqa sherqiy türkistan Uyghur milliy herikitining rehbiri rabiye qadir xanim özi biwaste yétekchilik qilmaqta.

Uyghur ayallirini terbiyilesh kursining gérmaniyidiki eng küchlük ölke bolghan bawariye ölkisining parlaméntida ötküzülüshi muhim ehmiyetke ige hésablinidu. Bu heqte toxtalghan d u q ning mu'awin re'isi esqerjan ependi mundaq deydu.

Ayallar kursigha ishtirak qiliwatqan yawrupa sherqiy türkistan birliki ayallar komitétining re'isi rahile xanim, kursning muweppeqiyetlik échilipla qalmay, kursining her qaysi döletlerdiki Uyghur ayallirining démokratiye we kishilik hoquq, bolupmu ayallarning hoquqi, perzent terbiyilesh sahesidiki éngini kötürüshige, ayallarning yalghuz a'ilidila emes, jem'iyettiki roliningmu tolimu muhim ikenlikini tonup yétishige küchlük asas yaratqanliqini ipadilidi.

Kanadadin gérmaniyige kélip kursqa qatnashqan ayallar wekilimu öz tesiratini bayan qilip, özini rabiye qadir xanim yétekchilikide élip bériliwatqan Uyghur dawasigha atighanliqini sözlidi.

Toluq bet