Gérmaniyide Uyghurlar we tibetliklerning xitaygha qarshi namayishi


2008-03-18
Share

3 - Ayning 18 - küni chüshtin burun sa'et 9:00 din 12:00 ge qeder, gérmaniyining myunxén shehiride Uyghurlar we tibetliklerning xitaygha qarshi birleshme namayishi élip bérildi. Namayishqa köp sandiki chet'elliklermu ishtirak qilghan bolup, gérmaniyining her sahe gézit we t w qanallirining muxbirliri bu namayishni jiddiy diqqitige aldi. Ay - yultuzluq kök bayraq we tibet bayriqi etraptiki ammini özlirige jelip qildi.

Bu qétim namayish tertipini saqlash üchün kelgen saqchilarning sani her qachanqidin alahide köp idi. Bundaq bolushi 17 - mart küni yüz bergen weqe bilen munasiwetlik bolsa kérek. Xewerlerge asaslan'ghanda, 3- ayning 17 - küni 26 neper tibetlik miyunxéndiki xitay konsulxanisigha bésip kirip, zor parakendichilik tughdurghan. Shuning üchünmu bu namayishni xitay konsulining aldida ötküzüshke ruxset qilmay, konsulxanidin 200 métir yiraqliqtiki roman platz meydanigha orunlashturghan. Shu'ar towlashqa ruxset qilinmighinigha qarimay, Uyghurlar we tibetlikler "xitaylar chiqip ketsun, Uyghurlargha erkinlik, tibetke erkinlik!" dégendek shu'arlarni üzmey towlap turdi.

Yawrupa sherqiy türkistan birliki teshkilatining re'isi, d u q bash katipi dolqun eysa ependi, bu qétimqi namayish heqqide ziyaritimizni qobul qilip, namayishning meqsiti we bundin kéyinki pa'aliyetler toghrisida chüshenche bérip ötti.

Bu qétimqi namayishqa qatnashqan yawrupa sherqiy türkistan birliki teshkilatining bash teptishi abdusalam ependi, Uyghurlar bilen tibetliklerning ortaq teqdirge ige ikenlikini, xitaygha qarshi bu küreshni taki weten azat bolghan'gha qeder dawamlashturidighanliqini tekitlidi. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet