Gérmaniyide ikki jumhuriyetni xatirilesh pa'aliyiti ötküzüldi

11 - Ayning 15 - küni gérmaniye Uyghurlirimu d u q ning miyunxéndiki bash shitabi zalida 1933 - yili we 1944 - yili qurulghan ikki jumhuriyetni xatirilesh pa'aliyiti ötküzdi.
Muxbirimiz ekrem
2009.11.17
Share on WhatsApp
Share on WhatsApp
Milli-atliq-esker-305 Sherqi türkistan atliq qisimliridin bir körünüsh.
RFA

Bu pa'aliyetni yawrupa sherqiy türkistan birliki teshkilati uyushturghan bolup, pa'aliyetke d u q we yawrupa sherqiy türkistan birliki teshkilatining rehberliri hemde miyunxénda yashawatqan köpligen Uyghur jama'iti qatnashqan.

Bu munasiwet bilen ziyaritimizni qobul qilghan d u q bash katipi dolqun eysa ependi, aldi bilen chet'ellerde ikki jumhuriyetni xatirilesh pa'aliyitining tarixi heqqide qisqiche izahat bérip ötti.

Dolqun eysa ependi öz sözide, bolupmu 5 - iyul qanliq qirghinchiliqidin kéyin, Uyghurlarning bu ikki jumhuriyetke bolghan séghinish we hörmet tuyghulirining yenimu artip barghanliqini tekitlidi.

Bu qétimqi pa'aliyet jeryanida yene, aldinqi heptiler kanadada ötküzülgen Uyghur rehberlirini démokratiye we kishilik hoquq bilimliri boyiche terbiyilesh kursigha gérmaniyidin bérip ishtirak qilghan xanimlar, mezkur kurs heqqide pa'aliyet qatnashchilirigha etrapliq melumat bérip ötken.

1933 - Yili qurulghan sherqiy türkistan islam jumhuriyiti we 1944 - yili qurulghan sherqiy türkistan jumhuriyitini xatirilesh pa'aliyetliri yillardin buyan chet'ellerdiki Uyghur teshkilatliri hem jama'iti arisida türlük shekillerde xatiriliniwatqan bolup, 2009 - yili 5 - iyul küni yüz bergen ürümchi weqesi, chet'eldiki Uyghurlarning neziride bu pa'aliyetning ehmiyitini yenimu bir baldaq yuqiri kötürgen.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet