بۇ قېتىمقى پائالىيەتكە ميۇنخېندىكى مۇتلەق كۆپ ساندىكى ئۇيغۇر جامائىتى قاتناشقان بولۇپ، بۇ پائالىيەت ئالدى بىلەن دىنىي زاتلار تەرىپىدىن 30 پارە قۇرئان تولۇق ئوقۇپ تاماملىنىپ، شېھىتلەرنىڭ روھىغا دۇئا - تىلاۋەت قىلىش بىلەن باشلاندى.
د ئۇ ق مۇئاۋىن رەئىسى ئەسقەرجان ئەپەندى، مۇھاجىرەتتىكى ئۇيغۇرلارنىڭ "26 - ئىيۇن شاۋگۈەن ۋەقەسى" ۋە "5 - ئىيۇل ئۈرۈمچى ۋەقەسى"نىڭ بىر يىللىقى مۇناسىۋىتى بىلەن نۆۋەتتە پۈتۈن دۇنيا مىقياسىدا ئېلىپ بارىدىغان خىتايغا قارشى ھەرىكەتلىرى توغرىلىق ئۇچۇر بېرىپ ئۆتتى.
د ئۇ ق باش كاتىپى دولقۇن ئەيسا ئەپەندى يىغىلىشتا سۆز قىلىپ، "26 - ئىيۇن شاۋگۈەن ۋەقەسى" ۋە "5 - ئىيۇل ئۈرۈمچى ۋەقەسى"نىڭ ئەمەلىي ئەھۋالى توغرىسىدا پائالىيەت قاتناشقۇچىلىرىغا ئەتراپلىق مەلۇمات بېرىپ ئۆتتى. ئۇ سۆزىدە 26 - ئىيۇن شاۋگۈەن ۋەقەسى ۋە 5 - ئىيۇل ئۈرۈمچى ۋەقەسىنىڭ ئىنتايىن دەھشەتلىك بولغانلىقىنى، خىتاينىڭ بۇ قانخورلۇقىغا قارشى نارازىلىق ھەرىكەتلىرىنى ئىزچىل داۋاملاشتۇرۇش زۆرۈرلۈكىنى تەكىتلىدى.
يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.