Myunxénda '26 - iyun shawgüen weqesi' we '5 - iyul weqesi'ning bir yilliqi munasiwiti bilen yighilish ötküzüldi

6 - Ayning 27 - küni gérmaniyining myunxén shehiride yashawatqan Uyghurlar yawrupa sherqiy türkistan birliki teshkilati hem myunxén chonglar meshripi birlikte yighin uyushturup 26 - iyun shawgüen weqesi we 5 - iyul ürümchi weqesining bir yilliqi munasiwiti bilen shéhitlerning rohigha xetme qur'an oqush, shundaqla nöwette élip bérilidighan xitaygha qarshi namayish we bashqa qarshiliq heriketlirini orunlashturush pa'aliyiti élip bardi.
Muxbirimiz ekrem
2010-06-28
Élxet
Pikir
Share
Print
Süret, ürümchide yüz bergen 5 - iyul ténchliq namayishidin bir körünüsh bolup, yash uyghur oqughuchilirining quruq qol shuar tawlap namayish qiliwatqan körünüshi.
Süret, ürümchide yüz bergen 5 - iyul ténchliq namayishidin bir körünüsh bolup, yash uyghur oqughuchilirining quruq qol shuar tawlap namayish qiliwatqan körünüshi.
RFA Anglighuchiliri teminligen.

Bu qétimqi pa'aliyetke myunxéndiki mutleq köp sandiki Uyghur jama'iti qatnashqan bolup, bu pa'aliyet aldi bilen diniy zatlar teripidin 30 pare qur'an toluq oqup tamamlinip, shéhitlerning rohigha du'a - tilawet qilish bilen bashlandi.
 
D u q mu'awin re'isi esqerjan ependi, muhajirettiki Uyghurlarning "26 - iyun shawgüen weqesi" we "5 - iyul ürümchi weqesi"ning bir yilliqi munasiwiti bilen nöwette pütün dunya miqyasida élip baridighan xitaygha qarshi heriketliri toghriliq uchur bérip ötti.
 
D u q bash katipi dolqun eysa ependi yighilishta söz qilip, "26 - iyun shawgüen weqesi" we "5 - iyul ürümchi weqesi"ning emeliy ehwali toghrisida pa'aliyet qatnashquchilirigha etrapliq melumat bérip ötti. U sözide 26 - iyun shawgüen weqesi we 5 - iyul ürümchi weqesining intayin dehshetlik bolghanliqini, xitayning bu qanxorluqigha qarshi naraziliq heriketlirini izchil dawamlashturush zörürlükini tekitlidi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Toluq bet