Gérmaniyide namayish

Her qaysi ellerdiki Uyghurlargha oxshash, 10 - ayning 1 - küni gérmaniye Uyghurlirimu xitay xelq jumhuriyiti qurulghanliqining 60 yilliqi we atalmish "shinjang Uyghur aptonom rayoni" qurulghanliqining 54 yilliqi munasiwiti bilen, myunxén sheher merkizide namayish élip bardi.
Muxbirimiz ekrem
2009.10.02
Share on WhatsApp
Share on WhatsApp
Germaniye-munixta-namayish-oktebir-305.jpg Süret, 10 - ayning 1 - küni gérmaniye uyghurliri xitay xelq jumhuriyiti qurulghanliqining 60 yilliqi we atalmish "shinjang uyghur aptonom rayoni" qurulghanliqining 54 yilliqi munasiwiti bilen myunxén sheher merkizide namayish élip barghan körünüshlerdin biri.
RFA Photo / Ekrem

Her yili 10 - ayning 1 - küni duq teripidin "matem küni" qilip békitilgen bolup, bu kün heqqide duq bash katipi dolqun eysa ependi izahat berdi.

Myunxénda ötküzülgen bu qétimqi namayish, yillardikige oxshimaydighan bir shekilde teshkillen'gen. Namayish asasliqi resim körgezmisi teshwiqati arqiliq, sheher merkizidiki bu qaynaq, shawqunluq kochidiki minglighan sayahetchilerning diqqitini jelp qilishni meqset qilghan.

Mezkur namayishqa ishtirak qilghan Uyghur ziyaliysi méhriban xanim we  rahile xanimlar özlirining bu qétimqi namayish toghrisidiki köz qarishini bayan qilip ötti.  

Bu qétimqi namayishqa chonglardin sirt, nechche onlighan yash - ösmürler we kichik balilarmu qatnashqan bolup, ular ata - anilirigha yardemliship, teshwiqat wereqchiliri tarqatmaqta idi.

Nurghunlighan chet'ellikler süretler chaplan'ghan taxtilardiki paji'elik halda öltürülgen Uyghurlarning körünüshlirini körüp, bu qétimqi weqe toghruluq téximu tepsiliy melumat sorawatatti.  Bu qétimqi namayish chüshtin kéyin sa'et  3:00 te bashlinip sa'et 5:00 bilen axirlashti.
 
Yuqiridiki awaz ulinishidin, bu heqtiki melumatimizning tepsilatini anglaysiler.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.