Göher memet ata-balining échinishliq resimini kötürüp mangghanda tosqunluqqa uchridi

Netijide u öz erzi bilenla cheklinip qalmastin, omumiy xelqning mesililiri we ayrim échinishliq weqelernimu öz erzining mezmun da'irisige kirgüzgen. U yéqinda ikki dosti bilen birlikte, ürümchidiki xelq meydanida naraziliq namayishi ötküzüp, yawru'asiya yermenkisige kelgen chet'elliklerge öz xelqining derd we shikayetlirini anglitishqa urun'ghan.

Mushu jüme küni ürümchi polat zawutining 60 yilliq xatire küni ötküzülgen. Yighin'gha Uyghur rayonining teyinlen'gen re'isi nur bekrimu qétilip söz qilghan. Göher memet intérnétta tarqalghan ata-balining échinishliq resimini kötürüp yighin zaligha kirishke urun'ghan. U yene bir qolida bir deste gülmu tutuwalghan bolup, u nur bekrige bir deste gül bilen birlikte mezkur ata-balining resiminimu sunmaqchi bolghan. Biraq xitay bixeterlik küchliri uning yolini tosup yighin zaligha kirishige yol qoymighan.

Biz zawut rehberlirige téléfon qilghinimizda, göher memetning, yighin zaligha kirmekchi bolghini üchün emes, belki échinishliq resimni kötürüp jama'et tertipini buzushqa urun'ghanliqi üchün jazagha tartilghanliqini bildürdi.