Göher memet yene milliy kemsitish weqesige yoluqti

Bu shopurmu göherning milliy kimlikini tilgha élip turup haqaret qilghan. Göher bu weqenimu saqchixanigha melum qilghan. Göher saqchilardin weqege qarita jiddiy bir pozitsiyini bayqimighandin kéyin, ehwalni radi'omizgha melum qildi. Göher sözide bu tür weqelerning nöwette ürümchidiki Uyghurlarning kündilik hayatining bir parchisigha aylan'ghanliqini, eger weziyet tüzitilmise, “5-Iyul weqesi” dinmu chong weqelerning yüz bérish éhtimalliqini dunyagha bildürüp qoyush niyitini ipadilidi.

Göher memetning dostlirining bildürüshiche, nöwette uni kéche-kündüz uyqusiz qoyuwatqan nerse, yalghuz özi duch kelgen haqaretla emes, eng muhimi, özi we zamandashlirining béshigha kéliwatqan bu milliy kemsitishlerning kelgüsi Uyghur ewladlirigha miras qélish éhtimalliqidur. Dostlirining yene bildürüshiche, uning dawadin waz kechmesliki, yolidin yanmasliqi yalghuz achchiqini chiqirish üchünla emes, belki Uyghur jem'iyitide rast gep qilishta, heqni sözleshte, izzet-hörmitini qoghdashta bir ülge yaritish we bir yol échish üchündur.