Голландийидики уйғурлар “5-июл вәқәси” ниң икки йиллиқи үчүн тәйярланмақта

Дуня уйғур қурултийидәк органларниң сәпәрвәрлики вә кишиләрниң күчлүк тәқәззаси билән муһаҗирәттики уйғурлар “5-июл үрүмчи вәқәси” ниң икки йиллиқини хатириләшкә җиддий тәйярланмақта.
Ихтиярий мухбиримиз пидаий
2011.06.28
5-iyul-namayishi-gollandiye-305.jpg 5-Июл намайиши үчүн мәхсус тәйярланған лозунка. 2011-Йили июн.
RFA/Pidaiy

Җүмлидин голландийидики уйғурларму бу паалийәт үчүн актип һаләткә өткән болуп, намайиш голландийиниң дәнһах шәһиридә хитай баш әлчиханисиниң алдида болидикән.

Икки йил илгири йәни 2009‏-йили 6‏-июл голландийидә елип берилған намайишта, уйғурлар хитай консулханисиға таш етип зәрбә бәргәнлики үчүн, уйғурларниң хитай консулханиси алдида намайиш қилишиға голландийә һөкүмәт даирилири тәрипидин иҗазәт берилмәй кәлгән иди.

Бу қетим тәшкилатлар йетәкчиси садиқҗан сәләй әпәндиниң тәкрар теришчанлиқи билән рухсәт берилипту. Биз бу һәқтә тәпсилий мәлумат игиләш үчүн, учур издәп садиқҗанни зиярәт қилдуқ.

Униң билдүрүшичә намайиш 7‏-айниң 5‏-күни сәйшәнбә шу йәр вақти чүштин кейин саәт 2 дин 4 кечә икки саәт давам қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.