«گوللاندىيە ئۇيغۇر بىرلىكى تەشكىلاتى» تەرىپىدىن تەشكىللەنگەن مەزكۇر پائالىيەت 50 دىن ئارتۇق ئۇيغۇرنىڭ رەتلىك ۋە سىستېمىلىق ماسلىشىشىدا، شۇ يەر ۋاقتى چۈش سائەت 1 دىن 3 قەدەر 2 سائەت داۋام قىلدى.
ئاي-يۇلتۇزلۇق كۆك بايراقلىرى ۋە ئۆزلىرى ياساپ كەلگەن پلاكاتلىرى بىلەن «شەرقىي تۈركىستانغا ئەركىنلىك» دەپ يېزىلغان چوڭ لوزۇنكىلىرىنى كۆتۈرۈپ، جاراڭلىق شوئارلارنى توۋلاپ مەيداننى لەرزىگە سالغان نامايىشچىلار، باشتىن ئاخىرى قىزغىن كەيپىياتتا، ئاكتىپ روھىي- ھالەت بىلەن جانلىق نامايىش قىلدى.
شوئارلار ئارىسىدا ئىنگلىزچە، گوللاندچە، خىتايچە ۋە ئۇيغۇرچە باياناتلار ئوقۇلدى. «گوللاندىيە ياشلار پارتىيىسى تەشكىلاتى» ۋە «ياۋروپا شەرقىي تۈركىستان مائارىپ جەمئىيىتى» قاتارلىق تەشكىلاتلارنىڭ ئەزالىرى ۋە جامائەت ئاكتىپلىرى بەس-بەس بىلەن نۇتۇقلار سۆزلىدى.
پائالىيەت ئاخىرلاشقاندا زىيارىتىمىزنى قوبۇل قىلغان بەزى نامايىش بۇ خىلدىكى نامايىشلارنىڭ خىتاي ھۆكۈمىتىگە بولغان نارازىلىقىنى ئىپادىلەيدىغان ياخشى پۇرسەت ئىكەنلىكىنى بىلدۈردى.