Gollandiyidiki Uyghurlar dunya jama'itini xitayni eyibleshke chaqirdi

Xitay kommunistlirining 63‏-yilliq dölet bayrimi künide gollandiyide yashawatqan Uyghurlar amistérdamdiki meshhur dam meydanida namayish uyushturup, ana wetini sherqiy türkistanning xitaylar teripidin bésiwélinip talan-taraj qiliniwatqanliqini anglatti we dunya jama'itini xitay hökümitining Uyghurlargha qaratqan basturush siyasitini eyibleshke chaqirdi.
Ixtiyariy muxbirimiz pida'iy
2012-10-01
Share
gollandiye-namayish-1-oktebir-305.jpg Gollandiyidiki Uyghurlar amistérdamdiki meshhur dam meydanida namayish qildi. 2012-Yili 1-öktebir, gollandiye.
RFA/Pidaiy

“Gollandiye Uyghur birliki teshkilati” teripidin teshkillen'gen mezkur pa'aliyet 50 din artuq Uyghurning retlik we sistémiliq maslishishida, shu yer waqti chüsh sa'et 1 din 3 qeder 2 sa'et dawam qildi.

Ay-yultuzluq kök bayraqliri we özliri yasap kelgen plakatliri bilen “Sherqiy türkistan'gha erkinlik” dep yézilghan chong lozunkilirini kötürüp, jarangliq sho'arlarni towlap meydanni lerzige salghan namayishchilar, bashtin axiri qizghin keypiyatta, aktip rohiy- halet bilen janliq namayish qildi.

Gollandiyidiki Uyghurlar amistérdamdiki meshhur dam meydanida namayish qildi. 2012-Yili 1-öktebir, gollandiye.
Gollandiyidiki Uyghurlar amistérdamdiki meshhur dam meydanida namayish qildi. 2012-Yili 1-öktebir, gollandiye.
RFA/Pidaiy

Sho'arlar arisida in'glizche, gollandche, xitayche we Uyghurche bayanatlar oquldi. “Gollandiye yashlar partiyisi teshkilati” we “Yawropa sherqiy türkistan ma'arip jem'iyiti” qatarliq teshkilatlarning ezaliri we jama'et aktipliri bes-bes bilen nutuqlar sözlidi.

Pa'aliyet axirlashqanda ziyaritimizni qobul qilghan bezi namayish bu xildiki namayishlarning xitay hökümitige bolghan naraziliqini ipadileydighan yaxshi purset ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet