Gollandiyi'e Uyghur teshkilatliri namayish we pa'aliyetlerni uyushturmaqta

Xitay hökümiti ürümchide élip bériwatqan qirghinchiliq, peqet Uyghurlarnila emes, dunyadiki bashqa milletlerningmu qattiq naraziliqini qozghimaqta.
Muxbirimiz irade
2009-07-09
Share
Gollandiye-Namayish-Urumqi-305 8 - Iyul küni gollandiye améstirdamdiki dan meydanida gollandiyilik uniwérsitét oqughuchiliri uyghurlargha hésdashliqini bildürüsh üchün namayish élip barghan bolup, sürette, namayishqa qatnashqan uniwérsitét oqughuchiliri we gollandiyidiki uyghur yashliri.
RFA Photo / Irade

Gollandiye Uyghurlar bir qeder köp olturaqlashqan döletlerning biri bolup, 5 - iyul ürümchi qirghinchiliqliri bashlan'ghandin béri, gollandiyidiki Uyghurlar intayin aktip pa'aliyetlerni élip barmaqta. Ular arqa - arqidin namayishlarni uyushturup hem bir yaqtin gollandiyining parlamént ezaliri bilen uchriship ularni bu qétimqi weqeler heqqide xitaygha bésim ishlitishke chaqirmaqta.

8 - Iyul küni gollandiye améstirdamdiki dan meydanida gollandiyilik uniwérsitét oqughuchiliri Uyghurlargha hésdashliqini bildürüsh üchün namayish élip bardi. Bu namayishqa gollandiyidiki Uyghur yashlirimu ishtirak qildi.

Kéyin bu namayishni uyushturghan gollandiyilik uniwérsitét oqughuchisi dewid ziyaritimizni qobul qildi. U mundaq dédi:"men bügün Uyghur dostlirimgha yardem qilip bu namayishni uyushturdum. Xitaylar Uyghurlargha özining erkinlikini bérishi kérek. Bu qirghinchiliqni toxtitishi, xelq'aradiki terepsiz teshkilatlar rayon'gha bérip tekshürüsh élip bérishi kérek."

Namayish meydanida Uyghur doppisi kiyip we etles sharpisi artip namayishqa qizghin awaz qoshqan gollandiyilik karla xanim ziyaritimizni qobul qilip:"men bügün Uyghurlarning yénida bolush üchün namayshqa chiqtim. Xitayning Uyghurlargha yürgüzüwatqan zulumi uzundin béri dawam qilmaqta. Emma buni héchkim bilmeytti. Dunya tibetlerni yaxshi bilidu. Lékin Uyghurlarni bilmeytti. Emma bu qétim dunya xitaylarning zulum qiliwatqanliqini bildi. Uyghurlarni bildi. Menche bu nahayiti yaxshi ish. Pütün dunya uyghulargha hésdashliq qiliwatidu," dédi.

Gollandiyidiki her qaysi teshkilatlar birlikte namayishlarni uyushturup aktip pa'aliyet élip barmaqta. Ular pa'aliyetliri dawamida yene, gollandiye parlamént ezasi harriy wan bommé bilenmu uchrishish élip barghan bolup, ular bu uchrishishida Uyghur diyarida yüz bergen qirghinchiliqlarni alahide tilgha élip ulardin yardem sorighan.

Gheyretjan ependi bizge bu heqte melumatlar berdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet