Xitayda bayram, chet'elde namayish

Her yili öktebirning 1 - küni junggoda türlük yasalma keypiyatlar bilen bayram ötküzülse, chet'elde yashawatqan Uyghurlar arisida ghezep - nepretlik namayish qilish heriketliri dawam qilip kelmekte.
Muxbirimiz pidaiy
2010.10.02
Share on WhatsApp
Share on WhatsApp
Golliniyide-1001-2010-namayish-305 Süret, gollandiyide élip bérilghan 2010 - yili 1 - öktebir namayishidin körünüshler.
RFA Photo / Pidaiy

Her yili öktebirning 1 - küni junggoda türlük yasalma keypiyatlar bilen bayram ötküzülse, chet'elde yashawatqan Uyghurlar arisida ghezep - nepretlik namayish qilish heriketliri dawam qilip kelmekte.

Jümlidin gollandiyide yashawatqan Uyghurlarmu amistérdam shehirining dam meydanida topliship namayish qilip, xitaylarning sherqiy türkistanni mustemlike qiliwalghanliqigha qarita naraziliqni bildürdi.

Pa'aliyette türlük sho'arlar towlandi. Bayanatlar anglitildi. Xitaylarning besh yultuzluq qizil bayraqliri köydürüldi.
Golliniyide-1001-2010-namayish-1-305
Süret, gollandiyide élip bérilghan 2010 - yili 1 - öktebir namayishidin körünüshler.
RFA Photo / Pidaiy

Milletning kelgüsi igiliri bolghan kéchik Uyghur baliliriningmu ata - anisigha egiship, kök bayraqni lepilditishliri, hemmeylenni hayajan'gha saldi.

1" - Öktebir Uyghurlar üchün matem küni boldi" dégen bu sözge qarita özini ashkarilashni xalimaydighan bir ziyaliy pikir bayan qilip mundaq deydu: "bu yerde matem sözini qollinish toghra kelmeydu. Matem démek ölgenlerge qilinidighan bir emelning nami. Uyghur tügimeydiken, bizning wetinimiz sherqiy türkistan hergiz ölmeydu. Wetenni öldi déyish xata. Weten ölmeydu. Eger déyishke toghra kelse bügün wetinimiz sherqiy türkistanning xitaylar teripidin ikkinchi qétim mustemlike qilin'ghan xatire kün déyilishi kérek. Shundaqtimu waqit mesiliside yene inchikilisek, bu xatire kün 1949 - yili 1 - öktebir emes, belki 1955 - yili 1 - öktebir déyilishi lazim. Chünki xitaylarning özining iqrari boyiche éytqandimu 1955 - yili wetinimiz sherqiy türkistanni shinjang Uyghur aptonom rayoni dep jakarlighanliqi eqelliy pakit."

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.