Gollandiye parlamént ezasi xarry fan bommil: 'men Uyghurlargha yardem bérishke herqachan teyyar'

Yawropaning yazliq tetil dem élishi axirliship normal xizmet tertipining eslige kélishi bilen teng Uyghurlargha yardem bérish guruppisimu yéghin chaqirdi.
Muxbirimiz pidaiy
2010-09-16
Share
Uyghur-wekiller-Harri-ependi-bilen-bille-sehnide-305 Süret, gollandiye parlamént ezasi xarry fan bommil we uyghurlargha yardem bérish guruppisigha qatnashqanlar birge chüshken xatire süriti.
RFA Photo / Pidaiy

Gollandiyining amistérdam sheherlik hökümet binasida qerellik yéghin uyushturup, Uyghurlarning insaniy hoquq mesilisige yéqindin yardemde boluwatqan bu guruppining qurghuchisi gollandiye parlamént ezasi we xristi'an démokrat partiyisining asasliq bashliqi xarry fan bommil ependi Uyghurlar mesilisige yéqindin köngül bölüp kelmekte.     
    
Bu qétimqi yighinda ilgiriki xizmetler xulasilinip, kelgüsi yéngi pilanlar heqqide pikirler bolundi. Biz bu guruppining yéqinqi tesiri we tereqqiyati heqqide ehwal igilesh üchün u yerde ziyarette bolduq. Parlamént ezasi xarriy fan bommil ependi ziyaritimizni qobul qilip, so'allirimizgha jawab berdi.

Hörmetlik xarry fan bommil ependi. Uyghurlargha yardem bérish guruppisining tereqqiyati qandaq boluwatidu? gollandiyidiki her sahe kishilirige bériwatqan tesirichu? dégen so'allirimizgha xarry fan bommil ependi mundaq dédi:
RFA-muxbiri-Pidaiy-we-Harry-ependi-305
Süret, gollandiye parlamént ezasi xarry fan bommil muxbirimiz pidaiyning ziyaritini qobul qiliwatqan körünüsh.
RFA Photo / Pidaiy

"Menche Uyghurlar sanining az bolushigha qarimay, bir yaqidin bash chiqirip, milliy dewasini ilgiri süreligüdek halgha keldi. Gollandiyidiki ehwalgha qarisaqmu kichik bir guruppa bolushigha baqmay, ittipaqliship mukemmel pilan - layihilirini tüzüp chiqalaydighanliqigha ishinimen. Bu yilmu melum netijiler qazanduq. Yene yéngi bir pa'aliyet pilanlawatimiz. Umu ilgirikidek amistérdam erkinlik uniwérsitétida bolidu. Menche Uyghur mesilisige gollandiyide yardem bérishimiz lazim. Men xristi'an démokrat partiyisi namidin Uyghurlargha yardem bérishke herqachan teyyar."

Guruppining asasliq ezaliridin gökxan ependimu ziyaritimizni qobul qilip, Uyghur mesilisining ongushluq élip bérilishi üchün, Uyghur qérindashlarning öz'ara ittipaq we inaq bolushini tekitlep mundaq dédi:

"Uyghur mesilisi bolmighan bolsimu qandashliqimiz sewebidinmu yene hemkarlishishimiz lazim idi, dep qaraymen. Sherqiy türkistanliq qérindashlarning ehwali éghir bolghanliqi üchün bu hemkarliq téximu zich we keng kölemlik bolushi kérek. Buning üchün aldi bilen Uyghur qérindashlirimiz öz ichide ittipaq bolushi hemmidin muhim orun'gha qoyushini ümid qilimen."

Ziyaret dawamida jem'iyetning Uyghur ezalirimu söz qildi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.