Gollandiyide Uyghurlar xitayning teshwiqatigha naraziliq bildürdi

Xitaylar bu teshwiqat pa'aliyitige teklipnamisiz bashqilarning kirishini qattiq tosighan. Ular teshwiqat zaligha yighin merkizining amanliq saqlighuchi xadimlirini  orunlashturghandin sirt yene, ishik aldigha xitay elchixananisi öz ademlirinimu qoghdighuchi qilip orunlashturghan.

Bu pa'aliyettin xewer tapqan gollandiyide yashawatqan birqisim Uyghurlar , tibetlikler we insan heqlirige köngül bölidighan bir qisim gollandiyilikler xitay hökümiti teshwiqat pa'aliyiti élip bériwatqan bina aldigha bérip , xitay hökümitining teshwiqatlirigha qarita naraziliqlirini bildürgen. Buninggha qarita naraziliq inkasta bolghan xitay hökümiti amanliq saqlighuchi xadimlarni ishqa sélip , narazliq bildürüwatqanlarni qoghliwetmekchi bolghan, bu arida ularning arisida sürkilish peyda bolghan.

Xitay hökümitining teshwiqat pa'aliyitige  den'ax shehirining sheher bashliqimu qatnashqan bolup, u sirttiki ehwallardin xewer tapqandin kiyin narazliq pa'aliyiti élip bériwatqanlarning alidigha chiqip ular bilen söhbette bolghan. Melumatlargha qarighanda , xitay hökümitining bu teshwiqat pa'aliyiti - 28 séntebirgiche gollandiyning her qaysi sheherliride  dawamlishidiken.

Neq meydandiki ehwallarni öz közi bilen körgen gheyretjan  ruzi bu heqte bizge tepsili melumat berdi.

Yuqiridiki awaz ulinishidin, bu heqtiki melumatimizning tepsilatini anglaysiler.