Гөрүгә елинған хитайларни қоюп беришниң шәрти хитай шеркәтлириниң райондин чиқип кетишидур

Лондонда чиқидиған " оттура шәрқ" гезитиниң 2008 - йили 24 - өктәбир җүмә күнидики санида, мустафа сериниң қәлими билән " елип қечилған хитайларни қоюп беришниң шәрти хитай шерикәтлирииң райондин чиқип кетишидур" дегән темида бир мақала елан қилған.
Мухбиримиз өмәрҗан тохти
2008-10-24
Share
Pakistan-tutqun-xitay-305.jpg 2008 - Йили 8 - өктәбирдә пакистанда гөрөгә елинған икки хитай енжинирниң тутқундики көрүнүши.
AFP Photo

Мақалидә мундақ дәп йезилған:" мундин бир һәптә илгири суданниң кордован вилайитидики хитай нефит ширкәтлириниң адәмлиридин 9 нәпәр хитай пуқраси райондики" адаләт вә баравәрлик" партийисиниң адәмлири тәрипидин қачурулған болуп, намәлум тәрәпкә елип кетилгән иди. Мәзкур хитайларни қачурғанларниң мәсули әбу һумәйд әһмәд "оттура шәрқ" гезити тәһрират бөлүми билән қол телефони арқилиқ сөзләшкә сөһбитидә, қачурулғанларни қоюп беришниң бирдинбир шәрти хитайларниң пүтүн нефит ширкәтлирини райондин елип чиқип кетишидин ибарәт икәнликини, мундин башқа һечқандақ бир чарә мәзкур 9 нәпәр хитайни уларниң қолидин қутулдуруп қалалмайдиғанлиқини ейтқан вә қачурулғанларниң тени сақ, инсаний муамилә көрүватқанлиқини билдүргән. Әбу һумәйд "оттура шәрқ " гезити мәсуллириниң қачурулған 9 нәпәр хитай пуқрасиниң һазир нәдә икәнлики һәққидики соалиға , " улар кордован вилайитидин йирақлишип кәтмигән, улар бу вилайәттә бар" дәп җаваб бериш билән купайә қилған."

Бу қетимқиси үчинчи қетимлиқ хитай қачуруш вәқәси

Мақалидә йәнә мундақ дәп йезилған:" районда бу қетимқи хитай қачуруш вәқәси үчинчи қетимлиқ қачуруш болуп, мундин илгириму икки қетим хитай нефит ширкитиниң адәмлири қачурулған иди. Ахирқи он йил мабәйнидә суданда хитайларниң сани пәвқуладдә көпийип кәтти. Мундақ кетивәрсә аһалиларни тәһдит астиға елиши мумкин дәп қаралмақта. Шуңа судандики хитайлар көп йәрләшкән районларниң аһалилири уларға қарши туридиған болған вә уларни райондин қоғлап чиқиришниң чарә - тәдбирлири үстидә издинип, ахири уларни елип қечиш арқилиқ тәһдит селип, уларни райондин чиқиришни мәхсәт қилған болиши ениқ. Шуңа 2004 - йили суданниң дарфор вилайитидә икки нәпәр хитай райондики қураллиқ күчләр тәрипидин қачурулған, йәнә шу йили кордован вилайитиниң җәнубидин "абдулла пәзлулла" намлиқ қураллиқ күчләр тәрипидин 4 нәпәр хитай қачурулған болуп, улардин үч нәпири кейинчә қоюп берилгән болсиму, бир нәпириниң һазирғичә из-дерики болмиған."

Суданда хитайниң 100дин артуқ ширкити бар

Мақалидә ейтилишичә, һазир суданда 8 миңдин көпрәк хитай бар икән, уларниң көпинчиси хартум, кордован вә җәнуби районларда нефит қезиш ишида ишләйдикән. Йәнә бир қисми көврүк селиш, йол ясаш қатарлиқ ишларда ишләйдикән. Суданда хитайниң 100дин көпрәк ширкити ишләйдикән, судан билән хитай оттурисидики йиллиқ содиниң һәҗми 10 милярд америка доллиридин ашидикән. Бу содиниң асаслиқи нефит содиси икән."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт