Dunya elliri hazir xaytini qutquzushta dawalashni asas qiliwatidu

Xaytida 12‏ - yanwar küni 7 bal yer tewrigendin kéyin, dunya elliri xaytida adem qutquzushqa bashlighan idi. Yer tewrep 8‏ - kün ötkende turalghu tégide kömülüp qélip téxiche hayat turuwatqan 69 yashliq bir ayal qutquzuwélindi, 10‏ - küni 8 yashliq bir oghul bala qutquzuwélindi, 11‏ - küni 24 yashliq bir er qutquzuwélindi, bu bir möjize idi.
Muxbirimiz weli
2010.01.26
Share on WhatsApp
Share on WhatsApp
Hatida-bulang-talang-herkiti-kopeygen-305.jpg 17 - Yanwar küni, haytining melum haypolayt isimliq bazirida bulang - talang herikitige qatnashqan nechche yüzligen yashlargha saqchilar oq chiqirip kam dégende bir kishini étip öltürgen bolup, sürette, shu bulang - talang herikitige qatnashqan yashlardin bir körünüsh.
AFP Photo

Emdi bügün'ge qeder 14 kün ötkende, xarabiliqlarda hayat turuwatqan adem barliqdin ümid üzüldi, dunya ellirining xaytigha béridighan yaridimi hazir dawlashni asas qiliwatidu.

Xayti karib aralliridiki bir kichik dölet. Nopusi 9 mlyon'gha yéqin, yer kölümi 27 ming kwadirat kilométirdin artuqraq. Yer tüzülüshi taghliq - dönglük. Bu dölet 1841‏ - yili tunji qétim latin amérikisida musteqilliq élan qilghan. Xayti xelqi 1957‏ - yilidin 1986‏ - yilighiche mustebit tüzümde turup namratlashqan, u hazir latin amérikisidiki eng namrat dölet bolup hésablinidu.

Xaytida 12‏ - yanwar küni 7 bal yer tewrigendin kéyin, eng téz yétip barghan s n n qatarliq xelq'ara uchur wastiliri neq meydandin bergen körünüshlerge asaslan'ghanda, xaytida yüz bergen bu qétimqi yer tewreshte éléktir, su teminat léniyisi qatarliq asasiy qurulush pütünley buzulup, hetta bu dölettiki prézidént sariyi, bash ministir mehkimisi, parlamént binasimu örülüp, bankilar, soda sarayliri ishtin chiqip, pütün dölet palech bolghan. Yer tewreshte hayat qalghan xelq özlirini yaki urugh - tughqanlirini qutquzushqa we izdeshke kirishken. Eyni waqitta dunya peqet sün'i hemrah arqiliqla bu dölettiki ehwalni körüp turalighan idi.

Adem qutquzushta yaritilghan möjize

Dunya elliri neq meydandin bergen körünüshlerdin melum bolushiche, shu küni, amérika qatarliq döletlerdin xaytigha hawa arqiliq yardem keldi we shuningdin kéyinla, dunya ellirining xaytigha béridighan yaridimining asasiy noqtisi adem qutquzushtin ibaret bolup qaldi. Dunya elliri xaytida adem qutquzushta möjize yaratti.

Yer tewrep 8 kün ötkende, toralghu tégide téxiche hayat turuwatqan 69 yashliq bir ayal qutquzuwélindi. 10‏ - Küni 8 yashliq bir oghul bala qutquzuwélindi. 11‏ - Küni yene 24 yashliq bir er qutquzuwélindi. Bu, möjize idi.

Hazir depne qilin'ghan adem sani 150 mingdin ashidu, yaridarlarning sani 200 minggha yétidu, dep texminlenmekte

Xaytida yer tewrep bügün'ge qeder 14 kün ötkende, emdi xarabiliqlarda hayat qalghan adem barliqidin ümid üzüldi. Gerche hazirgha qeder jemlen'gen tuluq istatistika bolmisimu, birleshme agéntliqining bayan qilishiche, xaytida hazir, bu qétim yüz bergen yer tewreshte depne qilin'ghan adem sani 150 mingdin ashidu, yaridarlarning sani 200 minggha yétidu, dep texminlenmekte.

Dunya ellirining xaytigha béridighan yardimi hazir dawalashni asas qiliwatidu

Deslepte qutquzulghan yaridarlarni, doxturxana bolmighan we dora, eslihe kam bolghan shara'itta yaki kochilarda ochuqchiliqta mikroptin xali bolghili bolmaydighan shara'itta, dawalash - qutquzush xeterlik idi. Bu waqitta, qutquzulghan yaridarlarni amérikining tik ucharliri élip kétip amérika déngiz armiyisining paraxot doxturxanilirida dawalashqa bashlighan idi. Uningdin kéyin yaridarlar tedriji halda, dunya ellirining qutquzush - dawalash etretlirining aptomobil doxturxaniliri yaki kepe doxturxanilirida dawalinishqa bashlidi.

Hazir xaytida hawa qatnishi barghanséri kéngeytilip, xayti ayrodromigha kélip - kétidighan ayropilan sani yüzge yétidighan boldi. Téximu köp döletlerning pul we yémek yardemliri xaytigha yétip kélishke bashlidi. Amérikining 250 kishilik dawalash etriti keldi. Dunya ellirining xaytigha béridighan yardimi hazir dawalashni asas qiliwatidu.

Uchurlardin melum bolushiche, xaytida hazir yaridarlarni dawalashta, chégrisiz dawalash etriti dep atalghan dunyaning her qaysi jayliridin kélip jem bolghan pida'iylarning herikiti eng téz, qaziniwatqan ünüm eng chong boliwatidu.

Dunyada xayti yétimlirini béqiwélish qanat yaydi

Bir munche döletlerde, bolupmu yawropa, amérika döletliride hazir, xayti yétimlirini béqiwélish qanat yaydi. Makansiz, tayanchisiz qalghan xaytiliqlarni, amérika qatarliq döletler qanuniy resmiyet ötep kélishke ruxset qildi.

Bügün teywenning dawalash etriti xaytida doxturxana achti

Merkizi agéntliqining xewer qilishiche, teywenning dora we dawalash esliheliri yükligen k - 130 belgilik yükchi ayropilani bügün dominika arqiliq, bir dawalash etritini élip xaytigha yétip keldi. Teywenning bu dawalash etriti teywenning xaytidiki elchixanisigha orunliship, doxturxana échip, dawalash - qutquzushni derhal bashliwetti.

Xitay dawalash etriti adem qutquzuwatqan birer körünüsh yoq, emma qizil bayraq lepildetken körünüsh köp

Xaytida yer tewresh yüz bergendin buyan, dunya elliri kündilik muhim xewerliride, xaytigha yardem bérish ehwalini neq meydandin öz xelqighe anglitiwatidu we körsütiwatidu. Emma xitayning uchur wastiliri bolsa, deslepte xitay da'iriliri 'jonggo özining xitaylirinila qutqazdi, dégen gep toghra emes' dep naraziliq bildürgenlikini xewer qilghan idi, uningdin kéyin, xitay ewetken dawalash etritining birer xaytiliqni qutquziwalghan körünüshni nex meydandin körsütüp baqmidi, emma sapla qizil bayraq lepildetkenlikinila körsütüp turiwatidu. Shundaqla yene 'xaytida hazir qutquzush - dawalash tolimu tertipsiz boliwatidu', 'xaytida xelq ichide bulangchiliq we topilang yüz bériwatidu', amérika hazir xaytini ishghal qiliwatamdu - néme' dégen mewzularda xewer bériwatidu, emma uning pakitini körsetmeydu.

Shinxu'a agéntliqi bügün yene, xitayning bir dawalash etriti xaytigha yolgha chiqish aldida, xitayning jama'et xewpsizlik minisitiridin 'yolyuruq' éliwatqan bir körünüshni xewer qildi, bu dawalash etritini 'xelq'araliq ilghar sewiyide qorallan'ghan' dep teswirlidi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Jan 26, 2010 04:39 PM

Haytimu yaki xaytimu ? xayti dise xittay oxshaydu deptimen