B d t ning mejburiy emgek heqqidiki doklati we Uyghur élidiki hashar

• Muxbirimiz peridening bu heqtiki programmisi
• Download story audio

Birleshken döletler teshkilatining xelq'ara emgekchiler uyushmisi yéqinda bir parche doklat élan qilip, dunyada hazir her xil shekilde mejburiy emgekke séliniwatqan emgekchiler sanining az dégende 12 milyon 3 yüz minggha yétidighanliqini hemde bu ehwalning asiyada alahide éghir ikenlikini melum qildi.

Birleshken döletler teshkilati xelq'ara emgekchiler oyushmisining "xelq'ara birlikte mejburiy emgekke qarshi turush" dégen témida chiqarghan bu doklati, birleshken döletler teshkilatining hazirghiche mejburiy emgek heqqide élan qilghan tunji qétimliq doklati bolup hésablinidu.

Uningda körsitilishiche, dunyadiki mejburiy emgekke séliniwatqan 12 milyon 3 yüz ming emgekchining 9 yérim milyoni asiya- tinch okyan rayonida bolup, bu, dunya boyiche mejburiy emgekke séliniwatqanlarning 84٪ ini igileydiken. Bularning arisida 2/3 qismi shexsiy igidarchiliqidiki iqtisadiy sahelerde ishlitilgen bolsa, qalghan 1/5 qisimi hökümetning ézishi astida mejburiy emgekke séliniwatqan iken. Kéyinki bu ehwal asasliqi xitay bilen bérmida alahide éghir iken.

Birleshken döletler teshkilati, emgekchilerning hoquqini qoghdash hemde ularning mejburiy emgekke sélinishigha qarshi turushqa chaqiriq qiliwatqan mezgilde, Uyghur déhqanliri dawamliq türde "hashar" dep atilip kelgen mejburiy emgekke sélinmaqta.

Bu heqtiki tepsiliy melumatlarni, muxbirimiz peridening bu heqtiki programmisidin anglang.