Әмәт қасим сотчиға: биз хаталашсақ атисиләр, силәр хаталашсаңлар җаза йоқму?

Ақсуда 20 тонна гүрүч елип маңған хитай “һаянкәш” кә 400 йүән, 39 халта буғдай елип маңған уйғур “һаянкәш” кә 5 миң йүән җәриманә қоюлди.
Мухбиримиз шөһрәт һошур
2012.01.05
Share on WhatsApp
Share on WhatsApp
emet-qasim-305.jpg Ақсуниң егәрчи йезисида олтурушлуқ деһқан әмәт қасим. 2012-Йили январ, бейҗиң.
RFA/Shohret Hoshur
Ақсуниң егәрчи йезисида олтурушлуқ деһқан әмәт қасим, 5 мо йеридин алған һосули 39 халта буғдайни шәһәргә елип маңғанда, хитайниң базар башқуруш хадимлири һаянкәшлик билән әйибләп 5000 йүән җәриманә қойған.

Әмәт қасим омуми мәһсулатиниң қиммити 2000 йүәнгә бармайдиғанлиқини билдүрүп җәриманини рәт қилған. Хитай хадимлири әмәт қасимниң 39 халта буғдийини мусадирә қилиш билән бирликтә, кираға алған йүк аптомобилиниму тартивалған. Әҗәблинәрлики, шу күни шу мәйданда, 20 тонна гүрүч елип маңған хитай содигәргә, пәқәт 400 йүән җәриманә қойған.

Хитай содигәр җәриманини төләп йолиға раван болған.

Хитайниң йеза игилик қанунида, деһқанлар өз мәһсулатлирини өзи халиған баһада, өзи халиған тәрәпкә сетиш һоқуқи бар дәп бәлгиләнгән. Әмма бу қанун уйғур елиниң бәзи вилайәтлиридә пәрқлиқ иҗра қилинмақта; пәрқлиқ иҗра қилинғандиму, уйғур елидики хитайлар билән уйғурларға йәнә башқичә тәтбиқланмақта. Өткән йили гума наһийисиниң қара тағиз йезисидики деһқанларму, бу һәқтә мәсилә инкас қилған. Мәлум болушичә, қаратағизлиқ деһқанлар чилан вә пахта қатарлиқ мәһсулатлирини, дөләт игиликидики хитай ширкитигә әркин базардин 50% төвән баһада сетип беришкә мәҗбурланған. Уларниң ашкарилишичә, улар тәвә болған девизийә хитай деһқанлириниң мәһсулатлирини әркин базарда сетишиға йол қойған.

Юқиридики аваз улинишидин зиянкәшликкә учриғучи әмәт қасимниң бу һәқтики баянлирини аңлайсиләр.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт