Һүсән һәсән: икки уйғур қәһриман уйғурни дуняға тонутти

4 - Авғуст сәмән йоли вәқәсиниң төт йиллиқ хатирә күни йитип кәлди. Чәтәлдики бәзи уйғурлар 2008 - йили 8 - айниң 4 - күни йүз бәргән бу вәқәни садир қилғучи абдурахман азад вә қурбанҗан һемиттин ибарәт икки уйғур пидаийни һәр йили һәрхил шәкилләрдә әсләп кәлмәктә.
Ихтияри мухбиримиз әкрәм
2012.08.03
husan-hesen-305.png Австралийидики уйғур мөтибәрлиридин һүсән һәсән әпәнди
RFA/Ekrem


Абдурахман азад вә қурбанҗан һемитлар 2008 - йили бейҗиң олимпик йиғинидин төт күн илгири, хитайниң қәшқәрдики чегра мудапиә сақчи әтритигә һуҗум қилип, 17 сақчини өлтүрүп, 15 сақчини яриландурған иди. Дуняниң көзи хитайға тикилгән бир чағда йүз бәргән бу вәқә, әйни чағда ғәрб ахбарат саһәсидә зор ғулғула қозғиған. Бу вәқәдин кейинла, 12 - авғуст яманяр вәқәси, 27 - авғуст қизилбуя вәқәси, 29 - авғуст миша вәқәлири йүз берип, көп санда хитай сақчилири һәм пуқралири өлгән иди. Униңдин кейинки йилларда уйғур диярида бу икки пидаийниң йолини үлгә қилған қаршилиқ һәрикәтлири көпләп йүз бәрди. Чәтәлдики бәзи уйғурлар әнә шундин бери бу икки уйғур пидаийни қәһриманлиқниң үлгиси санап, һәр йили уларни әсләп, хатириләп кәлмәктә.

Австралийидики уйғур зиялийси һүсән һәсән әпәнди абдурахман азад вә қурбанҗан һемиттин ибарәт бу икки пидаийниң иш - излириға юқири баһа берип келиватқан шәхсләрниң биридур. У сөзидә, бу икки пидаийниң уйғурларниң роһини, ғурурини ойғатқанлиқини тилға алди.

4 - Авғуст сәмән йоли вәқәсиниң төт йиллиқ хатирә күнидә, бу күнни һөрмәт билән яд етиватқан авистралийидики уйғур зиялийси һүсән һәсән әпәндиниң қарашлирини диққитиңларға сундуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.