Pakistandiki Uyghurlar xitay elchixanisining héytliq sowghisini ret qildi

Xitay elchixanisi bu qétimqi qurban héytta alahide teyyarliq qilip Uyghurlarni özige tartmaqchi bolghan bolsimu, pakistandiki Uyghurlar ularning soghisini qobul qilmighan.
Muxbirimiz shöhret hoshur
2011-11-11
Élxet
Pikir
Share
Print
Ömer Uyghur wexpide qurbanliq qilin'ghan mallarning biri. 2011-Yili 6-noyabir, pakistan.
Ömer Uyghur wexpide qurbanliq qilin'ghan mallarning biri. 2011-Yili 6-noyabir, pakistan.
RFA/Shohret Hoshur

Muhajirettiki Uyghurlar ichide, pakistandiki Uyghur muhajirlarning iqtisadiy ehwali nisbeten töwen halettidur. Shunga dunya Uyghur qurultiyi bu qétim héyt mezgilide, pakistandiki ömer Uyghur wexpi arqiliq belgilik miqdarda héytliq sowgha ewetken. Buningdin xewer tapqan, pakistandiki xitay elchixanisimu derhal heriketke ötüp, pakistandiki Uyghurlargha héytliq sowgha tarqatmaqchi bolghan.

Pakistandiki Uyghurlarning dunya Uyghur qurultiyigha egiship kétishidin endishe qilghan, pakistandiki xitay elchixanisi bu qétimqi qurban héytta alahide teyyarliq qilghan. Elchixana deslepte, elchixanigha 100 Uyghurni toplap héyt pa'aliyiti ötküzüsh we ulargha héytliq pul tarqitishni pilanlighan. Lékin, rawalpindidiki xitay shérikliri, bu wezipini orundashqa qurbi yetmigen. Chünki Uyghurlarning hemmisi elchixanigha bérishni hem sowgha qobul qilishni ret qilghan. Axirida mezkur jem'iyet tedbirini özgertken. Ular jama'etni elchixana ornigha jem'iyet bashliqining öyige teklip qilghan. "Héytliq pa'aliyet" ornigha, peqet "Héytliq pul tarqitish" ni teshwiq qilghan. Netijide, yashan'ghanlar we aghriq-silaqlar bolup, peqet 15 kishinila yighalighan hem ular 600 dollardin pul tarqitishqa wede bérip, emeliyette 100 dollardin pul tarqatqan.

Dunya Uyghur qurultiyining gérmaniyidiki merkizi orgini, türkiyidiki sherqi türkistan ma'arip we hemkarliq jem'iyiti we türkiyidiki bir qisim türk teshkilatlirimu, pakistandiki Uyghurlargha héytliq pul we mal ewetken. Bu ömer Uyghur wexpi teripidin tarqitilghan we pakistandiki Uyghur jama'iti teripidin teshebbuskarliq bilen qobul qilin'ghan. Bu héytliq xirajettin 300 ge yéqin kishi behrimen bolghan.

Biz xitay elchixanisining pul tarqitish jeryanini bilip béqish üchün, elchixanining pulini uqushmastin qobul qilghan altunxan xanim bilen söhbetleshtuq.

Pakistandiki Uyghurlardin abduqéyim shemshidin ependi, xitayning héytliq sowghisi heqqide pikir bayan qildi.

Yuqirida biz silerge, pakistandiki Uyghurlarning mutleq köp qismining xitay elchixanisidin sunulghan, héytliq sowghini ret qilghanliqi heqqide xewer anglattuq.

Toluq bet