Ehmedi nijad we hizbullachilar

Iranliqlar omumen shi'e mezhibini teshkil qilghanliqtin, ularning eqide sistémisi dunyaning her qaysi jaylirida omumlashqan ehli sünniy musulmanlirining eqide sistémisidin perqliq bolup kelmekte.
Ixtiyariy muxbirimiz ömerjan
2013.01.04
Share on WhatsApp
Share on WhatsApp
iran-suriye-ehmed-ased-305.jpg Iran re'isi mahmud ahmadi nejad(ongda) süriye re'isi bashar al-assad(solda) téhranda körüshti. 2010-Yili 2-öktebir.
AFP


Qandaqla bolmisun, shi'e bilen ehli sünnet musulmanlardin sanilidu. Chünki ular asasliq diniy eqidide birdektur. Kéyinki waqitlarda siyasiy sewebler tüpeyli shi'e - sünniy toqunushliri köprek yüz béridighan bolup qalmaqta.

Se'udi erebistanda chiqidighan “Okaz” gézitining 2013 - yili2 - yaniwar künidiki sanida, “Ehmedi nijad we hizbullachilar” dégen témida bir maqale élan qilin'ghan bolup, maqalide mundaq dep yézilghan:“Iran re'isi ehmedi nijad mundin8 yil ilgiri birleshken döletler teshkilatining omumiy yighinida, dunyadiki döletlerning erbablirigha özining imam mehdi teripidin qoghdilidighanliqini we yéqin pursette özining karamitini körsitidighanliqini sözligen idi. Kéyinche u bu sözini iranning qum shehiride toplan'ghan musulmanlar ammisigha sherhilep bérip, axir zamanda kélip iranliqlarni dunyani idare qilidighan erbablargha aylandurup qoyushi kütülmekte bolghan atalmish imam mehdi heqqide tepsiliy chüshenche bergen idi. Emma aridin7 yil ötken bolsimu, ehmedi nijadning bisharetliri kélip bolalmidi. Buni az dégendek, ehmedi nijad emdi iranliqlarni süriyidiki esed hakimiyitini imam mehdi özi qoghdap kéliwatidu, shunga süriye hakimiyiti yéqilmastin dawam qilmaqta. U hergizmu yoqalmaydu, dep aldimaqta. Yene liwandiki hizbullachilar diniy jehette iranning qum shehirini, siyasiy jehette süriye paytexti demeshiq shehirini merkez qilghan halda, iranning xurapatlirini we uning ereblerge qarshi siyasitini dawamlashturup kelmekte. Xuddi iranliqlar teshwiqat wasitiliride amérikini eyiblep qoyush bilen musulmanlar arisida yüz tépishqa kirishkendek, hizbullachilarmu isra'iliyige bir - ikki rakéta bomisi qoyup bérish bilenla rayondiki ereblerning qollishigha érishishni kesip qiliwalghan idi. Emdi nöwettiki süriye mesiliside her ikkilisining chümperdisi échilip ketti we xelqi alem ularning ichki yüzini chüshinishke bashlidi.”

Hizbullachilar esedtin waz kechmeydu

Maqalide yene mundaq dep yézilghan:“Liwandiki hizbullachilarning esedni qollighini qollighan. Ular esedtin hergiz wa'az kechmeydu. Chünki ular, siyasiy jehettin küchini esed hakimiyitidin alidu. Uning üstige shi'elerning hizbulla jama'iti iranning teklip bérishi, süriyining sabiq re'isi hafiz esedning küch chiqirishi bilen barliqqa kelgen siyasiy jama'et bolup, yillardin biri iran bilen süriye hakimiyitining paydisi üchün ishlep kelmekte. Esed hakimiyitining eskerliri ichide hizbullachilarning qoshunliri bolghanliqi ejeblinerlik emes. Chünki hizbullachilar iranning diniy liderliki we demeshiqning siyasi programmisi boyiche ish köridighan bir jama'et.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.