Istanbulda ‬xelq'araliq '‬hör ‬sherqiy ‬türkistan' ‬yighini

2008‏ - Yili 20 ‏ - dékabir küni, yawropa ‏ - asiya türk jemiyetliri birleshmisi teripidin "türk dunyasida insan heqliri depsendichiliki" dégen témida ötküzülgen yighindin bir körünüsh.

Bu yighin'gha dunyaning her qaysi jaylirida sherqiy türkistan mesilisi we Uyghurlar heqqide tetqiqat élip bériwatqan alimlar, siyasiy pa'aliyetchiler teshkilat rehberliri bolup köp sanda kishi teklip qilin'ghan, asiya we yawrupa döletliridin teklip qilin'ghan rehberler yighin'gha qatnishish üchün istanbulgha kélishke bashlidi. Istanbulda yighin teyyarliqi jiddi dawam qilmaqta.

Yighin bashlinishqa bir qanche qalghan bir peyitte xitayning istanbulda turushluq bash konsuli jung jéling bashchiliqidiki3 kishilik bir hey'et, i ha ha insaniy yardem wexpini ziyaret qilip, weqipning re'isi bülent yildirim ependi bilen uchrashti, bu uchrishishta xitay bash konsuli jung jéling Uyghurlarning nöwettiki weziyiti heqqide doklat bergen.

"I ha ha " kishilik hoquq we insaniy yardem wexpining resimi tor bétide bu heqte élan qilin'ghan xewerde bildürüshiche, bu uchrishishta i ha ha insaniy yardem wexpining re'isi bülent yildirim xitay hey'itige wexpining xizmet - pa'aliyetlirini tonushturush bilen birge sherqiy türkistan mesilisi heqqide pikirlirini otturigha qoyup mundaq dégen:

Sherqiy türkistan mesilisige köngül bölüwatimiz, sherqiy türkistanda yüz bériwatqan weqelerni közitip kéliwatimiz, u yerdiki mesililerni uyghun bir sahede munazire qilip hel qilish yollirini tépip chiqishimiz kérek, sherqiy türkistanda yüz bériwatqan weqelerni toghra bir shekilde anglitish üchün rayon'gha her sahe kishilik hoquq teshkilatliri bilen birlikte ziyaret qilishini xalaymiz, bu heqte xitay dölitining qulayliq yaritip bérishini ümid qilimiz.

Xewerde bildürüshiche, xitay bash konsuli jung jéling sherqiy türkistanda anglitilghandek bir qetli'am yüz bermigenlikini dawa qilghan, jung jélling " i ha ha" kishilik hoquq we insaniy yardem wexpini sherqiy türkistanni ziyaret qilishqa teklip qilghan. Bülent yildirim ependi uchrishish jeryanida yene sherqiy türkistan rayonida bir shöbe échishni xalaydighanliqini ipadiligen, xitay wekili jung jéling buning üchün aldi bilen "i ha ha" kishilik hoquq we insaniy yardem wexpining iltimas qilishini we kéyin xitay dölitining qararigha asasen bu iltimas heqqide toxtilidighanliqini bildürgen.

Hör sherqiy türkistan namliq yighin heqqide "i ha ha" kishilik hoquq we insaniy yardem wexpi teripidin mexsus Uyghurche, türkche, in'gilizche we erebche qatarliq töt tilda intérnét tor béti échilghan bolup kishiler bu tor béti arqiliq yighin heqqide melumatqa érisheleydiken we yighin'gha qatnishishni xalaydighanlar isimlirini tizimlitidiken. http://www.doguturkistansempozyumu.com

Bu qétimqi hör sherqiy türkistan namliq yighinning échilishtiki asasiy meqset néme? yighin'gha kimler qatnishidu? bu yighindin qandaq netije körülidu? bu so'allarning jawabigha érishish üchün i ha ha kishilik hoquq we insaniy yardem wexpining idare hey'et mes'ulliridin gülden sunmes xanim bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.