0:00 / 0:00
يىغىن قۇرئان كەرىم تىلاۋەت قىلىش بىلەن باشلاندى. يىغىندا ئالدى بىلەن شەرقىي تۈركىستان مائارىپ ۋە ھەمكارلىق جەمئىيىتىنىڭ 2012-يىللىق خىزمەت دوكلاتى ئوقۇپ ئۆتۈلدى. كېيىن جەمئىيەتنىڭ باش تەپتىشى ئابدۇلھەكىمخان مەخسۇم سۆز قىلىپ، چەتئەللەردە ياشاۋاتقان ئۇيغۇرلارنىڭ ئۈستىدە بىرلىشىپ ئورتاق ھەرىكەت قىلىش كېرەكلىكىنى تەكىتلىدى ھەمدە ئىمكانىيەتنىڭ يېتىشىچە ئەسلىدىكى غايىنى، ئۈستىمىزگە چۈشكەن ۋەزىپىنى، مەسئۇلىيەتنى تونۇپ يېتىش ۋە شۇ غايىگە يېتىش ئۈچۈن ئىمكانىيەتنىڭ يېتىشىچە ھەرىكەت قىلىش كېرەكلىكىنى ئوتتۇرىغا قويدى.
يىغىندا يەنە ئىستانبۇلدا ياشاۋاتقان جامائەت ئەربابلىرىدىن بىرى ئابدۇلئەزىز ئەپەندى سۆز قىلىپ بىرلىشىش كېرەكلىكىنى تەكىتلىدى. يىغىن ئىككى سائەت داۋام قىلغاندىن كېيىن كەچلىك تاماق زىياپىتى بىلەن ئاخىرلاشتى.