Ilghar aliptékin 'bésiwélin'ghanliqining 60‏ - yilida untulghan ata yurt sherqiy türkistan ' témisida doklat berdi

Uyghur mesilisi burun peqetla türkiyining melum chong sheherliride kün tertipke kelgen bolsa bügünki kün'ge kelgende türkiyining pütün wilayet nahiyilirigiche dawamliq halda kün tertipke kélishke bashlidi. 3 - Ayning 14 - küni türkiyining samsun wilayitide "bésiwélin'ghanliqining 60 - yilida untulghan ata yurt sherqiy türkistan" témisida doklat bérish yighini chaqirildi.
Muxbirimiz erkin tarim
2009-03-16
Share
Ilghar-Aliptekin-305 1 - Ayning 9 - küni, samsun ondoquzinju mayis uniwérsitétining teklipige binaen eysa yüsüp alptékinning oghli ilghar aliptékin ependi, sherqiy türkistanning hazirqi weziyiti toghrisida uniwérsitét oqughuchilirigha doklat bergen.
RFA Photo / Erkin Tarim

Türk ochaqliri jem'iyiti samsun shöbisining zalida ötküzülgen bu yighinda eysa yüsüp alptékinning oghli ilghar aliptékin ependi doklat bergen.

Bu yighin'gha samsun wilayitining mu'awin walisi taner gench ependi, samsun medeniyet sen'et idarisi bashliqi nejmi chamash ependi, türk ojaqliri jemiyiti samsun shöbisining mes'uli tunjer chaghlayan ependi, oqutquchi oqughuchilardin bolup köp sanda kishi qatnashqan.

Ilghar alptékin "bésiwélin'ghanliqining 60‏ - yilida untulghan ata yurt sherqiy türkistan" témisida qilghan doklatida , Uyghurlarning tarixi heqqide qisqiche melumat bergendin kéyin, Uyghurlarning we Uyghur dawasining bügünki weziyiti heqqide tepsili melumat bergen.

U sözide 60 yil burunqi Uyghur diyarining nopusi we xitay köch - köchidin kéyinki nopusi, Uyghurlarning heq we hoquqlirining bügünki weziyiti heqqide tepsili toxtalghan. Bu yighin heqqidiki xewerge türk metbu'atliridimu yer bérildi.

Bu xewerni www.mynet.com Din 103 ming 995 kishi oqughan bolup, buningdin kishilerning Uyghur mesilisige qanchilik köngül bölüwatqanliqinimu körüwalalaymiz.

Biz bu yighin heqqide tepsili melumat élish üchün ilghar aliptékin ependi bilen téléfon ziyariti élip barduq. Ilghar aliptékin merhum eysa yüsüp aliptékinning oghli bolup, uzun yil türkiyide dölet kadiri bolup wezipe ötügen. Pénsiyige chiqqandin kéyin türkiyining herqaysi jaylirida Uyghurlar heqqide doklat bérishke bashlighan. Bu qisqighina waqit ichide bergen ikkinchi doklati.

Ilghar aliptékin ependi buningdin kéyin, türkiyining herqaysi jaylirida sherqiy türkistan heqqide doklat béridighanliqini éytti.

Yuqiridiki awaz ulinishidin, ilghar aliptékin ependi bilen ötküzgen söhbitimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet